dija
Brezhoneg
Etimologiezh
- → Etimologiezh da glokaat (Ouzhpennañ)
Adverb
dija /diˈʒɑː/
- A-benn ar c'houlz-mañ, kerkent ha bremañ.
- ...ha da vont d'ar gêr, arru dija ar noz prim, 'vel ma soñjit. — (Anatol ar Braz, lakaet e brezhoneg gant Erwan ar Moal, Mojenn an Ankou, Mouladurioù Hor Yezh, 1986, p. 8.)
- Eizh eur nemet ugent dija. — (Yann Gerven, Brestiz o vreskenn, Al Liamm, 1986, p. 7.)
- ..., rak ar brud a baotred Plabenneg a zo aet dija dre ar vro, ... — (Lan Inizan, Emgann Kergidu 1, Brest, 1877, eil emb. Al Liamm 1977, p. 194.)
- Etretant, e voe bet rannet hor bagad, hennezh amañ, hemañ aze, egile du-hont, er strolladoù erru dija er c'hamp. — (Jarl Priel, Amañ hag Ahont, Al Liamm, 1957, p. 21.)
- A-benn ar c'houlz-se, kerkent ha da neuze.
- Dija en devoa tremenet ar maen-bonn gwenn e-lec'h ma vije azezet ar wrac'h, pa degouezhas gantañ, souden, pevar den o tougen un arched. — (Anatol ar Braz, lakaet e brezhoneg gant Erwan ar Moal, Mojenn an Ankou, Mouladurioù Hor Yezh, 1986, p. 26.)
- D'an ampoent ma voe badezet gant an ano farzus-se e oa dija dimezet... — (Tad Medar, Diwar c'hoarzin..., Ar Vuhez Kristen, Rosko, 1945, p. 167.)
- Pa deuas an Dispac'h da ober e freuz kentañ e Breizh oa aet-mat dija war an oad. — (Lan Inizan, Emgann Kergidu 1, Brest, 1877, eil emb. Al Liamm 1977, p. 16.)
- ..., ma kroge dija un toullad baroned da vreutaat evit gouzout pehini anezho en defe an enor da astenn, ... — (Langleiz, Romant ar Roue Arzhur/levrenn I : Marzhin, Al Liamm, 1975, p. 48.)
- ..., gwenn kann e oa dija he fennad blev. — (Jarl Priel, Va Zammig Buhez, Al Liamm, 1954, p. 11.)
- Un dro bennak, pa groge dija ar c'halonekañ re da grediñ e oa aet an holl Rusianed, Kozaked hag all, da stoupañ, ... — (Jarl Priel, Amañ hag Ahont, Al Liamm, 1957, p. 16.)
- Ur wech pe veur a wech kent.
- Labouret en deus Jili evit Meur ha Droniou dija ; ... — (Yann Gerven, Brestiz o vreskenn, Al Liamm, 1986, p. 12.)
- Ken abred-se ?!
- « Dija », emezañ ! [...]. — (Jarl Priel, An Teirgwern Pembroke, Al Liamm, 1959, p. 17.)
- — Dija ! — emezi. — (Roparz Hemon, Ho kervel a rin en noz ha marvailhoù all, Al Liamm, 1970, p. 19.)
- "Daoust hag an oferenn gentañ a ve o son dija ?" emezi. — (Anatol ar Braz, lakaet e brezhoneg gant Erwan ar Moal, Mojenn an Ankou, Mouladurioù Hor Yezh, 1986, p. 29.)
Gerioù heñvelster
- 1., 2. ha 3. c'hoazh