e-doug

Brezhoneg

Etimologiezh

Ger kevrennek savet gant « e » ha « doug ».

Araogenn

e-doug /eˈduːk/

1. E-pad (dirak an anv-kadarn a denn d'ur prantad).
   • Homañ a servij e-doug ar bloaz da reiñ geot druz da lakaat e-touez al lann drailhet hag e-touez ar foenn pe ar c'holo e-pad ar goañv. — (Brogarour, Onenn, Gwengamp, 1936, p. 82.)
   • [...] ; ne glevan ken e-doug an deiz, pe gant va mamm-gaer, pe gant va gwreg nemet : « Jalm, en tu-mañ, Jalm en tu-hont, — [...] ? » — (Yann-Vari Perrot, E-tal ar poull, C'HOARIVA BREZHONEK, Pemp pezh-c'hoari berr, Skridoù Breizh, 1944, p. 41.)
   • n'eo ket o klask poaniañ evit o mistri emaint, met o klask e-doug an deiz sachañ war an ibil berr, ober an nebeutañ ma c'hallint... — (Loeiz ar Floc'h, Trubuilhou ar seiz potr yaouank, 1927, p. 43.)
2. (En egor) E-kichen (un dra bennak), e gwasked (un dra bennak).
   • Mont a ra da gluchañ e-doug ar c'hleuz, met a-vec'h kluchet setu krabanoù Fañch war e bluñv. — (Tad Medar, An Tri Aotrou, 1981, p. 54.)

Deveradoù

• e-doug ma
• en e zoug

Troioù-lavar

• e-doug an deiz

Troidigezhioù

En amzer (1)

• galleg : pendant ^(fr) , durant ^(fr) , tout au long de ^(fr)

• saozneg : during ^(en) , all ... long ^(en)

En egor (2)

• galleg : près ^(fr) de, à l'abri ^(fr) de