e-pad
Brezhoneg
Etimologiezh
- Diwar an araogenn e hag an anv-kadarn pad.
Araogenn
e-pad /eˈpɑːt/
- A-hed ur pennad amzer ; e-doug
- Ne c'hellan ket kontañ deoc'h amañ kement tra a galon a voe graet e-pad emgann Kergidu ; [...]. — (Lan Inizan, Emgann Kergidu 1, Brest, 1877, eil emb. Al Liamm 1977, p. 215.)
- E-pad ar brezel on-eus bet naon, kred ahanon ! — (Jules Gros, Le trésor du breton parlé Première Partie, 1966, p. 166.)
- e-pad an deiz
- E-pad an deiz emañ o choukata traou. — (Jules Gros, Le trésor du breton parlé Première Partie, 1966, p. 166.)
- E-pad Doue 'n deiz e vez hennez o chaokad e henou. — (Jules Gros, Le trésor du breton parlé Première Partie, 1966, p. 166.)
- e-pad an noz
- ... ne gouskas takenn e-pad an noz. — (KARB1, p. 237.)
- Epad an nos n'hen doa kousket taken o sonjal penaos displega an traou sklear [...] — (Feiz ha Breiz niv. 2, C'hwevrer 1909, p. 39.)
- An hini bihan a oa o harmad e-pad an noz. — (Jules Gros, Le trésor du breton parlé Première Partie, 1966, p. 166.)
- E-pad an noz e oa o termal gant ar boan en he zroad. — (Jules Gros, Le trésor du breton parlé Première Partie, 1966, p. 166.)
- e-pad ar sizhun, e-pad ar miz, e-pad ar bloaz:
- Hennez na vez ket er gêr e-pad ar zizun. — (Jules Gros, Le trésor du breton parlé Première Partie, 1966, p. 166.)
- e-pad buhez un den
- Sell aze, 'vat, eur fas vil hag a zo bet brao dezi e-pad he buhez ! — (Jules Gros, Le trésor du breton parlé Première Partie, 1966, p. 90.)
- Me n'am-eus greet nemed labourad e-pad ma buhez. — (Jules Gros, Le trésor du breton parlé Première Partie, 1966, p. 166.)
- Honnezh n’he deus graet nemet roulañ e-pad he buhez, — (Jules Gros, Le trésor du breton parlé Première Partie, 1966, p. 38.)
- e-pad an amzer : a-hed an amzer
- Ne chomin ket e-pad an amzer ! — (Jules Gros, Le trésor du breton parlé Deuxième Partie, 1970, p. 17.)
Troioù-lavar
Troidigezhioù
- galleg : durant (fr) , pendant (toute la durée de) (fr)