takenn

Brezhoneg

Etimologiezh

→ Etimologiezh da glokaat (Ouzhpennañ)

Un dakenn dour.

Anv-kadarn

takenn /ˈta.kːɛn/ benel (furm vihanaat : takennig, liester : takennoù)

1. Kementad bihan eus ul liñvenn bennak dezhañ ur stumm kelc'hiek mui pe vui pa gouezh ; banne da evañ:
   • ..., ha kerkent ha klouket gantañ e dakenn rom en ur sevel gant an diri, floup ! hag ar werenn en e c'hodell. — (Jarl Priel, Va Zammig Buhez, Al Liamm, 1954, p. 48.)
   • Ac'hane e voe youc'het da Jeffig Skeren ha monet a rejod d'e heul da welout ha manet e oa un dakenn sistr bennak en ostaleri Jann ar C'horr. — (Jakez Konan, Lannevern e kañv ha danevelloù all, Al Liamm, 1980, p. 48.)
   • Amañ n'eus ket un dakenn dour. — (Jules Gros, Le trésor du breton parlé Deuxième Partie, 1970, p. 500.)
   • Ro din un dakenn laezh. — (Jules Gros, Le trésor du breton parlé Deuxième Partie, 1970, p. 500.)
   • un dakenn dour : un daeraouenn
2. Heuliet gant ur c'hemmadur dre vlotaat: un dakenn c'hlav, un dakenn win
   • [...]... Gwir eo, manet on er bourk da evañ un dakenn win-ardant gant Pipi ar Bolc'h ha Fañch Korlouer, [...]. — (Jarl Priel, An dakenn dour, C'HOARIVA BREZHONEK, Pemp pezh-c'hoari berr, Skridoù Breizh, 1944, p. 60.)
   • ur miz 'zo n'en deus ket graet un dakenn c'hlav. — (Jules Gros, Le trésor du breton parlé Deuxième Partie, 1970, p. 500.)
3. un dakenn avel, un dakenn moged:
   • N'eus takenn avel ebet. — (Jules Gros, Le trésor du breton parlé Deuxième Partie, 1970, p. 500.)
   • Hiziv n'eus bet takenn moged ebet en ti. — (Jules Gros, Le trésor du breton parlé Deuxième Partie, 1970, p. 500.)
4. gwelout takenn, klevout takenn
   • Bremañ bepred ne vez gwelet takenn ebet ken. — (Jules Gros, Le trésor du breton parlé Deuxième Partie, 1970, p. 500.)
   • Evit hennezh bepred ne glev takenn ebet. — (Jules Gros, Le trésor du breton parlé Deuxième Partie, 1970, p. 500.)
5. kousket takenn, un dakenn .
6. ober un dakenn  : ober glav
7. takenn pe dakenn:
   • Takenn pe dakenn a ra bemdez. — (Jules Gros, Le trésor du breton parlé Deuxième Partie, 1970, p. 500.)
8. takenn-ha-takenn:
   • Me a zivere ma fri takenn-ha-takenn. — (Jules Gros, Le trésor du breton parlé Deuxième Partie, 1970, p. 500.)

Gerioù heñvelster

• takadenn
• berad
• lomm

Deveradoù

• takennad
• takennig
• takenniñ

Gerioù kevrennek

• takenn-ha-takenn

Troioù-lavar

• na gaout na tamm na takenn : na gaout na tamm boued na takenn da evañ.
• na welet takenn

Divinadell

• Peder dimezell wenn, ha parafe glav kement ha mein, ne rafe takenn war o c'hein? -Bronnoù ar vuoc'h. — (Jules Gros, Le trésor du breton parlé Deuxième Partie, 1970, p. 334.)

Troidigezhioù

• galleg : goutte ^(fr)  benel
• saozneg : droplet ^(en)
• spagnoleg : gota ^(es)  benel