familh

Brezhoneg

Etimologiezh

Eus an anv gallek famille, deuet eus an anv latin familia.

Anv-kadarn

familh /ˈfãmːiʎ/ benel (furm vihanaat : familhig, liester : familhoù)

1. Hollad an dud kar a vev en hevelep ti
   • [...] ; rak Kerunkun a zo ur gêr vras, gant dek familh gaer o vevañ enni diwar ar mengleuzioù mein-glas ; [...]. — (Jakez Riou, Geotenn ar Werc'hez ha danevelloù all, Al Liamm, 1957, p. 89.)
   • — Ar c'hwec'hvet on eus ar familh da vezañ kaset da Gerambreoù. [...]. — (J.K. Rowling, lakaet e brezhoneg gant Mark Kerrain, Harry Potter ha Maen ar Furien, An Amzer embanner, 2012, p. 106.)
2. (Ent strizh) An tad, ar vamm hag o bugale ; tiegezh
   • E vefe furoc'h ouzhpenn kas keloù d' ar familh a-raok ma vefe re ziwezhat. — (Abeozen, Pirc'hirin Kala-Goañv, Al Liamm, eil emb. 1986, p. 44.)
3. Hollad an dud kar an eil d'egile dre an dimeziñ, ar c'hanedigezh pe, a-wechoù, dre an advugelañ
   • Anna-gozh a zo eus ar familh, evel ma vez roet da Yann-gozh ar plas a vez roet, er familh, d'un eontr karet. — (Brogarour, Onenn, Gwengamp, 1936, p. 39.)

Deveradoù

• familhad

Gerioù kevrennek

• anv-familh
• levr-familh

Troidigezhioù

• kembraeg : teulu ^(cy)
• galleg : famille ^(fr)
• saozneg : family ^(en)