kouezhañ e veud en e zorn

Brezhoneg

Etimologiezh

Diwar ar verb kouezhañ, an anv-gwan perc'hennañ e, an anv-kadarn meud, an araogenn en, an anv-gwan perc'hennañ e hag an anv-kadarn dorn.

Troienn verb

kouezhañ e veud en e zorn /Distagadur ?/

1. Bezañ disouezhet
   • Paour-kaez paotr, ma ouezfe gant pebez pebrenn eman o vont, e kouezfe buan e veudig en e zorn. — (Tad Medar, Diwar c'hoarzin..., Ar Vuhez Kristen, Rosko, 1945, p. 43.)
   • Raktal e kouezhas va meud em dorn o klevout ur vouezh ken divergont ha dreist-holl ar seurt ardoù ne oan ket kustum diouto, [...]. — (Jarl Priel, An Teirgwern Pembroke, Al Liamm, 1959, p. 56.)
   • Ha me a oa kouezhet va meud em dorn. — (Roparz Hemon, Diamantoù Keroulaz, Al Liamm, 1964, p. 213.)
   • Ha, pa voe difaziet, war-lerc'h ar bater a-zoare a glevas gant e genseurted, e chomas e c'henoù war nav eur hag e kouezhas ar meud en e zorn. — (Yeun ar Gow, E Skeud Tour Bras Sant Jermen, eil emb. Al Liamm, 1978, p. 245.)
   • Met p'en em gavas e Montroulez, e kouezhas e viz-meud dezhañ en e zorn. — (Marsel Klerg, Faltazi an amzerioù kent, Mouladurioù Hor Yezh, 1999, p. 82.)

Troiennoù heñvelster

• kouezhañ e bluñv war e votoù
• kouezhañ e gerc'h war e segal
• kouezhañ e lipenn war e lapenn
• kouezhañ e viz en e zorn
• kouezhañ war e gemend-all

Troidigezhioù

• galleg : tomber de haut ^(fr) , tomber des nues ^(fr)