lennegezh

Brezhoneg

Etimologiezh

Savet diwar an anv-gwan lennek hag al lostger -ezh.

Anv-kadarn

lennegezh /lɛˈneːɡɛs/ hollek benel

1. Arz ar sevel oberennoù skrivet pe gomzet pa vez sellet oute diouzh savboent o c'hened ha diouzh hini ar perzh a gemeront er sevenadur ; arz ar sevel romantoù, barzhonegoù, kontadennoù, hag all.
   • Ni n'eo ket, emean, gant ar politik eman ho fenn ; gant ar brezonek ha Breiz eman ; zikour hon bro da lakat anei da dôl freuz ar spered, al lennegez, ha freuz ar skiant, an oberou kaer hag ijinuz, setu war betra eman hon zell. — (La Résistance, 23 Gwengolo 1905, p. 1d.)
   • Kelenner e voe er c'hCollège de France, ha gounezet en doa priz Nobel al lennegezh e 1927. — (Fañch Kerrain, Keal Doue War-Lerc'h Auschwitz, Mouladurioù Hor Yezh, 2013, p. 118.)
2. Hollad an oberennoù lennegel
   • [...] : awen al lennegezh c'hallek a oa nijet kuit a Baris d'ober hec'h annez e Montreal. — (Roparz Hemon, An Aotrou BIMBOCHET e BREIZH, Skridoù Breizh, eil emb. 1942, p. 20.)
3. Studi an oberennoù lennegel
4. Labour, micher ar skrivagner

Gerioù kevrennek

• helennegezh

Troidigezhioù

• galleg : littérature ^(fr)
• saozneg : litterature ^(en)
• spagnoleg : literatura ^(es)