mav

Brezhoneg

Etimologiezh

Testeniekaet e henvrezhoneg mauu « paotr, den yaouank ».

Kavet e krennvrezhoneg mau, 1426.^[1]

Da geñveriañ gant an anvioù-kadarn maw « paotr, den yaouank » e kerneveureg, meudwy « ermit, servitour-Doue » e kembraeg ha mug « mevel, servitour » e heniwerzhoneg.

Tregemmerezh eus un anv-kadarn d'un anv-gwan ha riskladur ster diwar « paotr » da « bouilh, bagol ». Deuet eus ur ger keltiek *mogu- « paotr, mevel », a zeufe eus ur henstumm indezeuropek *magʰ-u-, peurheñvel ouzh magus « bugel gourel, den yaouank » e goteg.^[2]

Anv-gwan

Derez	Furm
Derez-plaen	mav
Derez-uheloc'h	mavoc'h
Derez-uhelañ	mavañ
Derez-estlammiñ	mavat

mav /ˈmaw/ (furm vihanaat : mavik)

1. Laouen, seder
   • A gammedoù bras e kendalc'has gant e gerzhadenn, mav e zremm hag o c'hwitellat drantik etre e zent. — (Yeun ar Gow, Diwar Dorgenn Karreg-an-Tan, Mouladurioù Hor Yezh, 1999, p. 148.)

Gerioù heñvelster

• bagol
• drant
• drev
• eürus/evurus
• gren
• gwenvidik
• gwenn ma bed
• gwiv
• lirzhin
• mav
• sart
• seder

Deveradoù

• mat ha mav
• mavaat
• mavder

Troidigezhioù

• galleg : gai ^(fr)

Daveoù

Roll an daveoù :

• ^[1] : Albert Deshayes, Dictionnaire étymologique du breton, Douarnenez, Le Chasse-Marée, 2003, p. 498.
• ^[2] : Ranko Matasović, Etymological Dictionary of Proto-Celtic, Leyden, Brill, 2009, p. 274.