menn

Gwelet ivez : Menn

Brezhoneg

Etimologiezh

Kavet en henvrezhoneg (men).

Meneget er C'hatolikon (men).

Da geñveriañ gant ar gerioù myn en kembraeg, mynn en kerneveureg, meann en skoseg, meannán en iwerzhoneg, dezho ar memes ster « menn-gavr ».

Anavezet evel anv-tiegezh : (Le) Menn.

Anv-kadarn

menn /ˈmɛnː/ gourel, liester menned.

1. Hini bihan bronneged debrerien geot (dañvad, gavr, karv, yourc'h...).

   <skouer>.

2. en-strizh:
   • menn-gavr : gavrig
   • menn-karv : karvig
   • menn-bleiz : bleizig

   Ar c'havr hag he seizh mennig.

   Pet menn a zo war ar c'havr-mañ? — (Jules Gros, Le trésor du breton parlé Deuxième Partie, 1970, p. 346.)

3. (dre skeudenn-lavar) anv karantezus roet ouzh ar vugale vihan.

   <skouer>.

4. koumoulenn vihan

krennlavaroù

• Bezo du, bezo gwenn
  Pep hini a gar e venn. — (Jules Gros, Le trésor du breton parlé Deuxième Partie, 1970, p. 346.) (Diwar-benn bugaligoù)
• Bezo du, bezo gwenn
  Pep gavr a gar he menn. — (Jules Gros, Le trésor du breton parlé Troisième Partie, 1974, p. 312.)
• Pa zeu ar mennedigoù da saout E vez glav da gaout. (Diwar-benn koumoul bihan)

Deveradoù

• mennig (mennedigoù)
• menniñ

Troidigezhioù

Menn-gavr

• alamaneg : Zicklein ^(de)
• galleg : chevreau ^(fr) , biquet ^(fr) , cabri ^(fr) (désigne tout petit de mammifère herbivore)
• iwerzhoneg : meannán ^(ga)
• kembraeg : myn ^(cy)
• kerneveureg : mynn ^(kw)
• nederlandeg : geitje ^(nl)
• saozneg : kid ^(en)
• skoseg : meann ^(gd)
• spagnoleg : cabrito ^(es) , chivo ^(es)