panevet

Brezhoneg

Etimologiezh

Deveret diouzh al liamm pa n' efe [ma], da lavaret eo : pa ne vefe.^[1]

Araogenn

Gour	Furm
U1	panevedon
U2	panevedout
U3g	panevetañ
U3b	paneveti
L1	panevedomp
L2	panevedoc'h
L3	paneveto/panevete
D	panevedor

panevet /pãneˈveː(t)/

1. panevet un den : kenevet un den.
   • ... ar goad a zavaz d'am penn, ha, paneved an Aoutrou Cren, e vichen savet euz ar punz, ha torret gand va zenn fuzil, he benn ouc’h unan-bennag. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 45.)
   • ... ha, paneved kaloun dispar va zoudarded, e vichemp bet lazet-oll. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 156.)
   • Koueza reaz en dour, ha beuzet e vije bet sur, panevet an Itron Raoul, pehini a glevaz an hini goz o krial hag a ziredaz da jacha anezi er-meaz, diwar-bouez he skubelen. — (Eur c'hreg koz kouezet er porz-mor, Ar Bobl, 26 Du 1904, p. 3c.)
   • Panevedout e vijen marv n’ouzon ket pegeit zo. — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 210.)

   Paneveti te oa Beleg ha bremañ sur ne vezi ket.— (Kanaouennou pobl 1959.)

   Panevet ar plac'h-mañ me oa lazhet ivez.^[2]

   Setu aze ho merc'h Annaig Panevedon-me ne va ket.^[3]

   Paneveto am be gounezet^[5]

2. panevet da un den
   • Paneved din-me n'e-nije ket savet e gein. — (Jules Gros, Le trésor du breton parlé Première Partie, 1966, p. 217.)
   • Hennez paneved d'e dad a vije eet e stal da fall. — (Jules Gros, Le trésor du breton parlé Première Partie, 1966, p. 217.)
   • Paneved din-me e vije chomet honnez war he revr. — (Jules Gros, Le trésor du breton parlé Deuxième Partie, 1970, p. 443.)
   • Paneved din-me e vije bet beuzet. — (TBP?, p. ?.)
   • « Mamm gaezh, emezi, panevet d'am faotr bihan, biken ne chomfen gant hennezh ! » — (Jarl Priel, Va Zammig Buhez, Al Liamm, 1954, p. 48.)
3. panevet e
   • Aet a-walc’h e vije ouz ar groug panevet e talc’has Godig start warnezañ. — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 95.)
   • ... ha na welfemp taken e-bed panevert e teu ar zakrist armeniad, eur maout a zen, da sklerijenni anomp gant eur pennad golo. MBJ

Deveradoù

• panevet-se
• panevet da se

Troidigezhioù

• spagnoleg si no fuera por ^(es) , si no fuese por ^(es) , de no haber sido por ^(es)

Krennlavar

• Ar faou, panevet d’ar vezh, zo koulz en glas evel en sec’h.

Gwelet ivez

• paneve
• paneveken
• kenevet
• Araogennoù brezhonek, stag

Daveoù

Roll an daveoù :

• ^[1] : Lexique Étymologique des termes les plus usuels du Breton Moderne
• ^[2] : Gwaz Aotrou Gwesklen, in Barzhaz Breizh
• ^[3] : Son Anaig Rozmar, in Chants populaires bretons du Pays de Cornouailles, H. Guillerm (1905)
• ^[4] : Kloareg Yannig Herri, kanet gant an It. ar Bras, eus Pontrev, in Kanaouennoù Pobl (1959)
• ^[5] : Lez-Breizh, in Barzhaz Breizh