sachañ e skasoù gant unan bennak
(Adkaset eus sachañ e skasoù)
Brezhoneg
Etimologiezh
- Diwar ar verb sachañ, an anv-gwan perc'hennañ e, an anv-kadarn skasoù, an araogenn gant hag unan bennak.
Troienn verb
sachañ e skasoù gant unan bennak /Distagadur ?/
- Mont kuit, tec'hel kuit
- Pa loc'has hor skouadrenn eus Toulon, bez' oa ganimp un aluzener, met ul lajadig kent teurel eor e Dakar, setu ma voe degemeret e Paris gant an div gambr, hag embannet a-dizh urbi et orbi al lezenn a reas kement a drouz, Disrann an Iliz hag ar Stad, en doare ma rankas hor beleg sachañ gantañ e skasoù. — (Jarl Priel, Va Zammig Buhez, Al Liamm, 1954, p. 97.)
- Er penn kentañ eus an diskampadeg-se, ar merc'hed a oa e penn diwezhañ ar c'hañvambroug o latennat, a sache o skasoù ganto mar gouient, en ur stardañ atav o disglavieroù ouzh o bruched hag en ur skuermal : « Biskoazh kemend-all, biskoazh kemend-all ! An diaoul eo ! ». — (Jakez Konan, Lannevern e kañv ha danevelloù all, Al Liamm, 1980, p. 27.)
- Ar merc'hed a stlepe o sac'hadoù hag a sache o skasoù gante herdañ m' hellent. — (Aleksandr Soljenitsyn, lakaet e brezhoneg gant Ernest ar Barzhig, Ti Vatriona, Al Liamm, 1976, p. 28.)
- Ne chomas ket an aotrou person da ruzañ en ti ha sachañ a reas e skasoù gantañ, e lost en e c'harbedenn. — (Fañch Peru, Kañfarded Milin ar Wern, Skol Vreizh, 2008, p. 61.)
- − Erru e oa poent deomp sachañ hon skasoù ganeomp, eme Jakez. — (Fañch Peru, Kañfarded Milin ar Wern, Skol Vreizh, 2008, p. 83.)
- − N'hallit ket sachañ ho skasoù ganeoc'h ? a daolas Malfoy gant e vouezh yen a-dreñv dezho. [...]. — (J.K. Rowling, lakaet e brezhoneg gant Mark Kerrain, Harry Potter ha Maen ar Furien, An Amzer embanner, 2012, p. 203.)
Gerioù heñvelster
Troidigezhioù
- galleg : déguerpir (fr) , foutre le camp (fr) , fuir (fr) , se faire la malle (fr) , s'enfuir (fr)