a-bezh

Brezhoneg

Etimologiezh

Savet diwar an araogenn a hag an anv-kadarn pezh.

Adverb

a-bezh /aˈbeːs/

1. Penn-da-benn.
   • Ar veleien, a-bezh, a en em savas a-enep urzhoù ken direol : ... — (Lan Inizan, Emgann Kergidu 1, Brest, 1877, eil emb. Al Liamm 1977, p. 13.)
   • — Ia, ia, devomp ar stal a bez ; an dra-ze a raio aoun d'ar goueriaded-all. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 279.)
   • Moñs int, kollet ganto ur biz pe un dorn a-bezh. — (Loeiz ar C'hlerg, Ma beaj Jeruzalem, 1903, p. 187.)
   • Da boent an adverenn, end-eeun, eo troet ar park uhel a-bezh. — (Loeiz ar Floc'h, Trubuilhou ar seiz potr yaouank, 1927, p. 49.)
   • N'eo ket ar misionoù hepken a c'houlenn tud yaouank da skignañ ar Feiz e-touez ar baianed, met hor bro Frañs a-bezh, hag hon eskopti zoken, a zo diank dezho bekeien. — (Lan ar Bunel, Laouig ar Penker, Brest, 1929, p. 7.)
   • Ken kreñv, ken taer, ken yud eo an ampoezon, ma red raktal evel un tangwall dre e deod, e stomog, e vouzelloù, e gorf a-bezh. — (Tad Medar, An Tri Aotrou, 1981, p. 161.)
   • Evit gwir, bez' oa dija eno ur skouadrenn saoz a-bezh, ... — (Jarl Priel, Va Zammig Buhez, Al Liamm, 1954, p. 95.)
   • ..., rak a-drugarez da levezon an Dartared, bet gwechall mac'homerien Rusia a-bezh, n'eus yezh ebet, nemet marteze an arabeg, ken pinvidik hag ar rusianeg evit ar pezh a sell ouzh an dismegañsoù hag an hudurañ mallozhioù. — (Jarl Priel, Amañ hag Ahont, Al Liamm, 1957, p. 93.)
   • ..., ac'hane ec'h en em astenn ar gweled war ar vro a-bezh, pa vez kaer an amzer da vihanañ. — (Yeun ar Gow, E Skeud Tour Bras Sant Jermen, eil emb. Al Liamm, 1978, p. 15.)
   • ..., kêr Viranda a-bezh gant he zoennoù ruz, ... — (Youenn Drezen, Sizhun ar Breur Arturo, Al Liamm, 1971, p. 34.)
   • ..., hag anez m'en devoa al lestr paour gallet paka an douar tostan a gavas, e vije bet eat a-bez d'ar oueled. — (G. MILIN, Gwechall-goz e oa..., Kemper, 1924, p. 14.)
   • Pezh a souezhas an dud eo penaos he doa graet ar plac'hig evit en em saveteiñ, ha dreist-holl evit treuziñ al Lenn a-bezh, ... — (Roparz Hemon, Mari Vorgan, Al Liamm, eil emb. 1975, p. 82.)
   • Eno, war ar c'hae-se, e vez kempennet dilhad tud ar barrez a-bezh. — (Jakez Konan, Lannevern e kañv ha danevelloù all, Al Liamm, 1980, p. 45.)
   • Gant ar pez ho peuz desket bete vreman ha gouzout a rit ar relijion abez? — (w:Katekiz ar vugale vihan, 1911, p. 156.)

Gerioù heñvelster

• en e bezh

Deveradoù

• a-bezh-kaer

Troidigezhioù

• galleg : entièrement ^(fr)
• saozneg : entirely ^(en)