ac'hanout

Brezhoneg

Etimologiezh

Diwar ac'han- hag -out.

Furm araogenn

Gour	Furm
U1	ac'hanon
U2	ac'hanout
U3g	anezhañ
U3b	anezhi
L1	ac'hanomp
L2	ac'hanoc'h
L3	anezho, anezhe
D	ac'hanor

ac'hanout /aˈɣãːnut/

1. Furm an araogenn a, eus, displeget en eil gour unan.
   • An eñvor ac'hanout am frealz bepred. — (Paotr Treoure, Skeudenn garet, e Sonioù Feiz ha Breiz, w.d. 1930.)
2. Lakaet war-lerc'h un anv-kadarn hag a verk petra a ya d'ober un den, a-wechoù evel kunujenn (renket hervez urzh al lizherenneg : den, diod, gastaouer, genaoueg, ... kristen, laer, lampon, netra, paotr, pezh ...:
   • Ma ne welez ket ar beleg warc’hoazh ez eus un den kollet ac’hanout ! — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 135.)
   • Un den mat a zo ac’hanout ! — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 251.)
   • — Eur bitouz n'out ken ! Eo, eun diod a zo c'hoaz ac’hanout ! Evit piou ha petra e kemerez ac’hanon ? [...]. — (Ivon Krog, Eur Zac'had Marvailhou, Buhez Breiz, Kemper, 1924, p. 23.)
   • Gastaouer a zo ac’hanout, MINNA 106
   • genaoueg a zo ac'hanout !
   • Gouzoug frank ma zo ac’hanout, — (Ivon Krog, Klenved ar Medalennou, Ti-moulerez Sant-Gwilherm, Sant-Brieg, 1909, p. 22.)
   • Te zo ur c’hristen a zen ac’hanout avat ! — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 284.)
   • … laer a zo ac’hanout! — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 200.)
   • ... dre eurvad ez eus ul laer dispar ac’hanout. — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 284.)
   • Lampon a zo ac’hanout! — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 140.)
   • ... loen vil a zo ac’hanout ! — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 253.)
   • Ur mailh a zen a zo ac'hanout. — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 281.)
   • Petra? mec'hieg a zo ac'hanout! Digas a ri bevañs? — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 165.)
   • N’eus netra ac’hanout ken : n'out ket gwall dev ken, koazhet out.
   • « N' eo ket eur paotr eo a zo ac'hanout ? » — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 214.)
   • Krediñ a ran ez eus ac’hanout ur paotr a boell hag a furnez, — (Ivon Krog, Eur Zac'had Marvailhou, Buhez Breiz, Kemper, 1924, p. 11.)
   • Ra varvi ! peulvan drouk a zo ac'hanout ! — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 200.)
   • O ! pezh divergont 'zo ac'hanout ? Petra 'c'h eus graet ? — (Yann-Vari Perrot, E-tal ar poull, C'HOARIVA BREZHONEK, Pemp pezh-c'hoari berr, Skridoù Breizh, 1944, p. 53.)
   • Sac'hellog daonet a zo ac'hanout ! — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 221.)
3. Evel renadenn eeun
   • Gouzout a rez e c’hallan, gant ur ger, lakaat al loened da zrailhañ ac’hanout ! — (Yann-Vari Perrot, Bue ar Zent, Montroulez, 1912, p. 78.)