netra

Brezhoneg

Etimologiezh

Eus ne ha tra, evel e saozneg nothing.^[1]

Raganv

netra :

1. tra ebet, mann ebet (gant ar verb er stumm-nac'h)
   • — Chom ganin da vevel ha ne vanko netra dit amañ ; [...]. — (Fañch an Uhel, Kontadennoù ar Bobl/3, Al Liamm, 1988, p. 13.)
   • Herve. — [...] , met en han' Doue, arabad d'eoc'h diskouez netra d'ho tad, [...]. — (Yann-Vari Perrot, An Aotrou Kerlaban Pez farsus e 3 Arvest, Brest, 1922, p. 5.)
   • Netra n'eo (GDFB 660): n'eo netra.
   • N'em eus klevet netra nevez.^[2]
   • Peogwir n'em-bez netra nemed gant ma zammig arhant. — (Jules Gros, Le trésor du breton parlé Deuxième Partie, 1970, p. 506.)
2. dirak ar verb (neuze ne vez ket implijet ket):
   • Netra ne blij din-me 'vel ur banne kafe.^[2]
   • Na pegen buhan ez a an deiziou en-dro, eur pennad zo ; ha koulskoude netra ne deu. Netra ! netra ! — (Ivon Krog, Klenved ar Medalennou, Ti-moulerez Sant-Gwilherm, Sant-Brieg, 1909, p. 1.)
   • Netra ne vank dezhi, — (Fañch an Uhel, Soniou Breiz-Izel 2, Pariz, 1891, 1971, p. 2.)
   • Netra ne welas. — (Erwan ar Moal, Pipi Gonto, Kemper, 1925, p. 101.)
3. talvezout netra:
   • En hon amzer-ni, ur beleg a dal nebeut, pe netra zoken, eme ur rumm dud. — (Lan Inizan, Emgann Kergidu 1, Brest, 1877, eil emb. Al Liamm 1977, p. 217.)
4. Kemmadur dre vlotaat goude netra (a-wechoù netra a ... ) :
   • Netra druezusoc'h 'vit un den maleürus, Netra gazusoc'h 'vit ur paour glorius. Krennlavar.
   • Netra welloc'h, hep mar : amzer da renka anezañ ha da c'hreia ( ficha ) an aoter. — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 97.)
5. netra a ...
   • ha netra a leret a zo genec'h aze? — (LE, p. 160.)
   • Homañ na vez greet netra a vad ebed dezi kammed. — (Jules Gros, Le trésor du breton parlé Première Partie, 1966, p. 124.)
6. E troiennoù:
   • netra ouzhpenn
   • netra welloc'h
   • netra nemet
   • netra ebet
   • netra ken
7. kas da netra : kas da get

Gerioù heñvelster

• gour
• mann
• mann ebet
• netra ebet
• netraig

Troioù-lavar

• evit netra

Krennlavarioù

• Na war gouevr, na war aour
  War netra ne ra fae ar paour. — (Jarl Priel, An Teirgwern Pembroke, Al Liamm, 1959, p. 185.)
• Ur c'hemener n'eo ket un den :
  Kemener eo ha netra ken. — (Jules Gros, Le trésor du breton parlé Troisième Partie, 1974, p. 307.)

Troidigezhioù

• alamaneg : nichts ^(de) , nix ^(de)
• bambara : fosi ^(bm)
• galleg : rien ^(fr)
• esperanteg : nenio ^(eo)

• nederlandeg : niks ^(nl) , niets ^(nl)
• poloneg : nic ^(pl)
• spagnoleg : nada ^(es)
• saozneg : nothing ^(en)
• waloneg : rén ^(wa)

Daveoù

Roll an daveoù :

• ^[1] : Lexique Étymologique des termes les plus usuels du Breton Moderne
• ^[2] : An Aotrou Gernevez a sant Yann Pleuzal, in Kanaouennoù Pobl, dastumet gant Alfred Bourgeois (1959).
• ^[3] : Son ar c'hafe, gant Evnig Penn-ar-C'hoad.

Sañskriteg

Anv-kadarn

नेत्र netra nepreizh

1. Treuzlizherennadur नेत्र.