da c'hortoz

Brezhoneg

Etimologiezh

Diwar an araogenn da hag ar verb gortoz.

Troienn adverb

da c'hortoz

1. Da c'hortoz ar mare-se
   • - [...]. Kasit ganeoc'h, da c'hortoz, an oanig-mañ, poazhit anezhañ hag en-berr da abardaez ec'h efomp da debriñ anezhañ, en ho ti. — (Fañch an Uhel, Kontadennoù ar Bobl/4, Al Liamm, 1989, p. 36.)
   • — « [...]. Da c'hortoz, me ya da ober ur vorenn. » — (Troude ha Milin, Labous ar Wirionez ha Marvailhoù all, Skridoù Breizh, 1950, p. 51.)
   • [...], ha da c'hortoz, n'eo ket Priel hepken, met Te, va mamm-vro, [...]. — (Jarl Priel, Va Buhez e Rusia, Al Liamm, 1955, p. 22.)
   • « [...], ha da c'hortoz, kenavo, Karl Ivovitch, n'am eus ket amzer d'arguziñ ouzhoc'h ». — (Jarl Priel, Amañ hag Ahont, Al Liamm, 1957, p. 21.)
   • Hag ec’h azezas, da c’hortoz, e-tal ar wazhig, KAB 1/159
2. Da c'hortoz un dra bennak
   • [...], ha da c'hortoz o zro chom a rae ar rouanez hag all kuzhet en deñvalijenn dindan ar viñs. — (Jarl Priel, Va Zammig Buhez, Al Liamm, 1954, p. 25.)
   • Pa veze bet an tangwall war unan bennak, e kase dezhañ e amezeien, evit bennozh Doue, karradoù foenn ha plouz da roiñ d'e loened, hag un nebeud sac'hadoù ed evit m'o divije bara, e dud hag eñ, da c'hortoz an eost. — (Yeun ar Gow, E Skeud Tour Bras Sant Jermen, eil emb. Al Liamm, 1978, p. 231.)
   • Aet e oa an Tort en e goazez da c'hortoz e setañs, [...]. — (Marsel Klerg, Faltazi an amzerioù kent, Mouladurioù Hor Yezh, 1999, p. 175.)
   • Da c’hortoz hon eured, ro d’in da roued ma c’hellin pesketa unan eus ar loenedigou brao-mañ. » — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 128.)
3. Da c'hortoz unan bennak da ober un dra bennak:
   • - Penaos tremen an noz amañ ? Mar karet e c'hoarifomp d'an diñsoù, da c'hortoz an deiz da dont ? Berroc'h e kavfomp an amzer. — (Fañch an Uhel, Kontadennoù ar Bobl/1, Al Liamm, 1984, p. 65.)
   • Charlez a azezas indan ur wezenn hag e em lakaas da vutunat da c'hortoz Finettig da dont. — (Fañch an Uhel, Kontadennoù ar Bobl/1, Al Liamm, 1984, p. 75.)
4. Da c'hortoz ha
5. Da c'hortoz ma : betek ar mare ma
   • [...], hag e em guzhont 'barzh ar c'hoad da c'hortoz ma vije deut an noz teñval, [...]. — (Fañch an Uhel, Kontadennoù ar Bobl/3, Al Liamm, 1988, p. 17.)
6. Da c'hortoz ken na : betek ar mare ma
   • Ez an d'ober ur c'hrogad lenn da c'hortoz ken na 'po fin. — (Jules Gros, Le trésor du breton parlé Deuxième Partie, 1970, p. 292.)

Gerioù heñvelster

• da c'hedal

Troidigezhioù

• galleg : en attendant ^(fr)
• saozneg : in the meantime ^(en)