ken na
Brezhoneg
Etimologiezh
Troienn
ken na
- Troienn isurzhiañ, da zigeriñ un islavarenn-heuliad:
- Ken na grene ar menezioù tro-war-dro — (G. MILIN, Gwechall-goz e oa..., Kemper, 1924, p. 74.)
- [...], ma klevas hirvoudoù ha klemmoù 'barzh ar gambr a oa en tu all, ken na c'halle ket kousket. — (Fañch an Uhel, Kontadennoù ar Bobl/2, Al Liamm, 1985, p. 40.)
- Yann neuze a ra tennañ gant e ganolioù, ken na gren an douar hag ar mor, pesked hag all. — (Troude ha Milin, Labous ar Wirionez ha Marvailhoù all, Skridoù Breizh, 1950, p. 60.)
- .... skarañ a rejont ac'hano, ken na stoke o seulioù ouzh o revr; ... — (Troude ha Milin, Labous ar Wirionez ha Marvailhoù all, Skridoù Breizh, 1950, p. 60.)
- Mez war ar glaou e oan azezet ; aoun am oa, sellit, aoun am oa ken na grenen o klask gouzout piou a c'hounezfe. — (Ivon Krog, Klenved ar Medalennou, Ti-moulerez Sant-Gwilherm, Sant-Brieg, 1909, p. 39.)
- Redet am eus ken na c'hwezan. — (Klaoda ar Prad, An teir c'had ; Ar mevel laer, Ti-moulerezh Sant-Gwilherm, Sant-Brieg, 1908, p. 16.)
- Biskoaz ker bras aon ne lammas war gein ar C'hidour, ken na grene evel eur bern deliou sec'h, ken na strake e zent dre e c'henou, gant kement a drouz eget trouz eul lur piz bihan hejet en eur zoroc'hell graz !... — (Ivon Krog, Eur Zac'had Marvailhou, Buhez Breiz, Kemper, 1924, p. 193.). (Gant ur fazi en implij eget).
- Veig e tarlamme e sac'h ouzh traoñ e gein, ken na vloñse e feskinnier. — (Youenn Drezen, Skol louarn Veig Trebern, eil lodenn, Al Liamm, 1973, p. 119.)
- Troienn isurzhiañ, a verk ar poent ma echuo un ober (gant ar verboù chom, gortoz):
- Mar kirit gouzanv ho lima ken na viot deut flour ha mistr avoalc'h, c'hui a ielo en eur potaillik coant da brenna eun armel pe eur c'haset eleac'h ma vezo traou a dalvoudegez ; c'hui a vezo douget er c'hodel hag a chomo ken divergl hag eur pez arc'hant. — (An alc'hoezier hag an alc'hoez nevez, Feiz ha Breiz niv. 418, 9t bloavezh, 1873, p. 8a.)
- ... goulennit ouzh kement paotr a dremeno : « Paotr, komer a ri ac’hanon da bried ? » ken ho po kavet unan d’ho komer. — (Fañch an Uhel, Kontadennoù ar Bobl/3, Al Liamm, 1988, p. 163.)
- Adalek Meurzh al Lart ken na veze Sul Fask ne veze ket debret a gig, — (Jules Gros, Le trésor du breton parlé Première Partie, 1966, p. 106.)
- Chomit e-kichen ma lochenn bete warc'hoazh ken am bo komzet gant ma ael mat. — (Fañch an Uhel, Kontadennoù ar Bobl/5, Al Liamm, 1994, p. 30.)
- Bremañ ne ya ket al loar da guz ken na vez deiz. — (Jules Gros, Le trésor du breton parlé Deuxième Partie, 1970, p. 361.)
- Kreñv e oa an avel ken na oa aet al loar da guz. — (Jules Gros, Le trésor du breton parlé Deuxième Partie, 1970, p. 297.)
- En droienn ken na vo
- Ec’h eomp da c’hortoz ken na vo tavet ar glav, — (Jules Gros, Le trésor du breton parlé Deuxième Partie, 1970, p. 361.)
- … ken a vo fin d’ar brezel ne vefont ket distrujet, — (Fañch an Uhel, Kontadennoù ar Bobl/5, Al Liamm, 1994, p. 104.)
Troidigezhioù
- galleg : 1) si bien que (fr) , tellement que (fr) ; 2) jusqu'à ce que (fr)