disheñvel

Brezhoneg

Etimologiezh

Meneget e 1732 en Dictionnaire françois-celtique ou françois-breton gant Grégoire de Rostrenen : dishêvel.

Savet diwar ar rakger dis- hag an anv-gwan heñvel.

Kregin disheñvel.

Anv-gwan

Derez	Furm
Derez-plaen	disheñvel
Derez-uheloc'h	disheñveloc'h
Derez-uhelañ	disheñvelañ
Derez-estlammiñ	disheñvelat

disheñvel /di.ˈsẽː.vɛl/

1. Disheñvel diouzh : zo un doare all dezhañ ; diforc'h, diseurt
   • Ne zaleaz da anaout, me gred, evit-han da veza ki, oan eur christen mad, dishenvel dioc'h ar zoudarded, rak dont a reaz d'am c'haout hag harpa a reaz he fri ouc'h va stomok. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 28.)
   • Sellet a rit ouz va gwiskamant a zo dishenvel diouz an hini ac'halen ! ... — (Yann-Vari Perrot, An Aotrou Kerlaban Pez farsus e 3 Arvest, Brest, 1922, p. 9.)
2. (Dre astenn-ster) Dispar, o tiskouez bam ; dreist (e rannyezh Leon)

Gerioù heñvelster

• dishañval

Gerioù enepster

• hañval
• heñvel

Deveradoù

• disheñvelaat
• disheñveladur
• disheñvelded
• disheñvelder
• disheñveledigezh
• disheñvelidigezh
• disheñveliñ
• disheñvelout

Troidigezhioù

• galizeg : diferente ^(gl) , desemellante ^(gl)
• galleg : différent ^(fr) , dissemblable ^(fr) (de)
• italianeg : differente ^(it)
• spagnoleg : diferente ^(es)

Daveoù

Roll an daveoù :