enkadenn

Brezhoneg

Etimologiezh

Savet diwar enk-, pennrann ar verb enkañ, hag al lostger kevrennek -adenn (diwar -ad hag -enn)

Anv-kadarn

enkadenn /ẽŋˈkɑːdɛn/ benel (liester : enkadennoù)

1. Plegenn ziaes, en em gaver enni en abeg da gudennoù armerzhel, politikel, hag all (diwar-benn ar gevredigezh)
   • Abalamour d'an enkadenn yec'hedel e oa bet nullet an abadenn e 2020. — (N. Gourvenneg, pennad Gouel ar bigi, gouel ar mor, Ya!, niv. 998, 2024, p. 2.)
2. Mare diaes da vevañ en abeg d'ur gudenn bennak (diwar-benn stad an dud)
   • Ne oamp bet morse kent en un eñkadenn par da homañ, rak risklus meurbet e oa kuitaat al lestr. — (Daniel Defoe, lakaet e brezhoneg gant Yeun ar Gow, Abrobin, Al Liamm, 1964, p. 18.)
   • Tonket e oa e rankje en em ziluziañ e-unan en e enkadenn. — (Youenn Drezen, Sizhun ar Breur Arturo, Al Liamm, 1971, p. 78.)
   • « [...]. Sur on ne nac'hfe ket dont d'hoc'h aliañ en enkadenn-mañ. [...]. » — (Langleiz, Romant ar Roue Arzhur/levrenn I : Marzhin, Al Liamm, 1975, p. 41.)

Troidigezhioù

• galleg : crise ^(fr)
• galleg : situation difficile ^(fr)