gwele-kloz

Brezhoneg

Un armel hag ur gwele-kloz.

Etimologiezh

Ger kevrennek savet diwar an anv-kadarn gwele hag an anv-gwan kloz.

Anv-kadarn

gwele-kloz /ˌɡɥeleˈkloːs/ gourel (liester gweleoù-kloz)

1. (Arrebeuri) Gwele enklozet en ur pezh arrebeuri dezhañ stumm un armel. Betek penn kentañ an XX^vet kantved, e oa ar gwele-kloz pezh arrebeuri pennañ hag hengounel tiez maezioù Breizh-Izel
   • — « Mamm, bronn din, » eme ar skilbaotr, ken tev e zivesker hag e zivrec'h ha postoù ur gwele-kloz, ha ken bras e benn hag ur girin da lakaat dienn. — (Troude ha Milin, Labous ar Wirionez ha Marvailhoù all, Skridoù Breizh, 1950, p. 69.)
   • [...], goude beza grêd sin ar Groaz gand an dour binniged mired er podig, er pinsinig, staged ouz ar gwele-kloz pe ouz ar voger tost d'ar gwele. — (Tad Medar, An Tri Aotrou, 1981, p. 57.)
   • E meur a diad, an tadoù a gavfe c'hoazh, en e lec'h, ar gwele-kloz e-lec'h ma oant ganet. — (Erwan Berthou, En bro Dreger a-dreuz parkoù, Mouladurioù Hor Yezh, 1985, p. 9.)
   • Ur gwele kloz a oa war-laez, e penn ar solier... PGAZ 48

Troidigezhioù

• galleg : lit-clos ^(fr)
• saozneg : box-bed ^(en)

Gwelet ivez

• Ar pennad « gwele-kloz » e-barzh Wikipedia