gwrizienn

Brezhoneg

Etimologiezh

Kavet en henvrezhoneg (uraed)

Meneget er C'hatolikon (gruizyenn)

Da geñveriañ gant ar gerioù gwraidd, gwreiddyn e kembraeg ha gwreydhen e kerneveureg.

Deuet eus ar ger keltiek *wradios a zeufe eus ar wrizienn indezeuropek *uréh₂ds a gaver er gerioù rót en islandeg, rhíza en henc'hresianeg ha raēša en avesteg.

Anv-kadarn

gwrizienn /ˈɡ(w)ri(z)jɛn/ benel (liester : gwriziennoù, gwrizioù)

1. Rann eus ar plant a gresk dindan an douar hag a dalvez dezhe da chom stag outañ ha d'en em vagañ
   • Neuze ez eas diouzhtu an ozhac'h da gerc'hat ur wrizienn derv tennet, kant vloaz a oa, eus a Goad an Noz. — (Troude ha Milin, Labous ar Wirionez ha Marvailhoù all, Skridoù Breizh, 1950, p. 7.)
2. (Dre hevelebiezh) Rann eus an dant en askorn ar garvan
   • Ma dant e-nevoa torret, med ar wrizienn na oa ket deut. — (Jules Gros, Le trésor du breton parlé Deuxième Partie, 1970, p. 211.)
3. (Yezhoniezh) Unvez c'heriadurel pennañ ur ger

Deveradoù

• gwriziadenn
• gwriziadennus
• gwriziañ
• gwriziaouiñ

• gwriziennañ
• gwriziennek
• gwriziennus
• gwrizius

Gerioù kevrennek

• diwrizienn
• diwriziennañ
• gwrizienn-ruz
• gwrizienn-vamm
• gwrizienn-verb
• gwrizienn-vestr
• gwrizienn-vrug

Troidigezhioù

• alamaneg : Wurzel ^(de)  benel
• albaneg : rrënjë ^(sq)  benel
• arabeg : جَذْر ^(ar) (jaḏr)  gourel
• euskareg : sustrai ^(eu) , erro ^(eu)
• galleg : racine ^(fr)  benel
• gresianeg : ρίζα ^(el) (ríza)  benel
• hungareg : gyökér ^(hu)
• italianeg : radice ^(it)  benel
• iwerzhoneg : fréamh ^(ga)  benel
• kembraeg : gwraidd ^(cy)  gourel , gwreiddyn ^(cy)  gourel

• kerneveureg : gwreydhen ^(kw)  benel
• luksembourgeg : Wuerzel ^(lb)  benel
• nederlandeg : wortel ^(nl)  gourel
• okitaneg : raiç ^(oc)  gourel , rasic ^(oc)  gourel
• poloneg : korzeń ^(pl)  gourel
• romañcheg : ragisch ^(rm)  benel
• rusianeg : корень ^(ru) (koren')  gourel
• saozneg : root ^(en)
• skoseg : freumh ^(gd)  gourel
• spagnoleg : raíz ^(es)  benel
• vietnameg : rễ ^(vi)