hervez

Brezhoneg

Etimologiezh

Da dostaat ouzh ar c'hembraeg herwydd, « abalamour da, hervez, e-touez », hag ar c'herneveureg yn aga herwydh « en o ser » : evit *ar-wes « e stumm, e doare, e bezañs », s.o. ar c'hrennvrezhoneg goes « stumm » hag ar c'hembraeg gwydd « bezañs ». Gwelet ar- ha a-ouez.^[1]

Araogenn

Gour	Furm
U1	hervezon
U2	hervezout
U3g	hervezañ
U3b	hervezi
L1	hervezomp
L2	hervezoc'h
L3	hervezo
D	hervezor

hervez /ˈhɛr.ves/

1. Reve, diouzh ali pe komz unan bennak, gouez da unan bennak.

   Hervez e faltazi.

   Hervez urzh al lizherenneg.

   Ober a raimp d'an aotrou evel m'eo dleet hag hervez hor gouiziegezh. Yann-Vari Perrot, An aotrou Kerlaban, p. 18.

   • Dʼar 7 a viz here 1897, da deir eur goude kreisteiz, hervez unan eus kaieroù ti-kêr Pleiben, e lakais ma fri war an tamm douar-mañ. — — (ESTB, p. 63.)
   • [...] ; rak, hervez ar c'hiz, e tle pep hini degas, hervez e oad hag e vadoù, e lodenn d'an tantad. — (Jakez Riou, Geotenn ar Werc'hez ha danevelloù all, Al Liamm, 1957, p. 89.)
   • Al lever-man a zo bet skrivet ar peurliesan herve doare komz Bro-Dreger. MBJ
   • ...penauz e tleo lenn, herve giz e vro
2. hervez galloud ub
   • — « [...] ; graet em eus, a gredan, hervez va galloud ; kenavezo da viken ! » — (Troude ha Milin, Labous ar Wirionez ha Marvailhoù all, Skridoù Breizh, 1950, p. 68.)
   • ... pep-hini herve e c’halloud... MBJ

   Pep hini a dle bezañ paeet hervez e oberoù, — (Fañch an Uhel, Kontadennoù ar Bobl/2, Al Liamm, 1985, p. 109.)

   Goude-se avat e c’hallfomp pediñ hag enoriñ ar sent, … hervez ar vicher a reomp hag ar vro a vevomp enni. — (Yann-Vari Perrot, Erwan ar Moal, Bue ar Zent, Montroulez, 1912, p. 839.)

   • Ur plasenner [...] hag a gemeras digante ur skodenn hervez ar c'hustum evit ur stal a eizh metrad hed. — (Fañch Peru, Kañfarded Milin ar Wern, Skol Vreizh, 2008, p. 40.)
3. Ra vint barnet hervez o oberoù.

Troioù-lavar

• hervez ar c'hiz
• hervez doare

Troidigezhioù

• alamaneg : gemäß ^(de)
• esperanteg : laŭ ^(eo)
• galleg : selon ^(fr)
• italianeg : secondo ^(it)

• portugaleg : segundo ^(pt)
• saozneg : according to ^(en) , in accordance with ^(en)
• spagnoleg : según ^(es)

Adverb

hervez /ˈhɛr.ves/

1. War a seblant, evit doare, a-hervez.

   Bez’ oa, hervez, ur beure miz Here^[2]

Stagell isurzhiañ

hervez a stagell isurzhiañ /ˈhɛr.ves/

Deveradoù

• a-hervez
• hervez ma

Troidigezhioù

• alamaneg : gemäß ^(de)
• galleg : selon ^(fr)
• italianeg : secondo ^(it)

• portugaleg : segundo ^(pt)
• saozneg : according to ^(en) , in accordance with ^(en)
• spagnoleg : según ^(es)

Gwelet ivez

• Araogennoù brezhonek, stag

Daveoù

Roll an daveoù :

• ^[1] : Lexique Étymologique des termes les plus usuels du Breton Moderne
• ^[2] : Maia, 1965, in Oberenn glok Anjela Duval
• ^[3] : Devezhioù koun en Ebrel, 1979, in Oberenn glok Anjela Duval