logota

Brezhoneg

Etimologiezh

Savet diwar an anv-kadarn logod (bet kaletaet e zibenn) hag al lostger -a.

Verb

logota /lɔˈɡɔtːa/ verb gwan (displegadur)

1. Klask tapout pe dapout logod, logotat.
   • IVONA. — [...] (ar c'hazh a viaoul). Miaou, emezañ !... Grit miaou pezh a garot (!), ha m'hoc'h eus naon, kit da logota !... [...] — (Jarl Priel, Ar Vatez vihan, Sav niv. 29, Diskar-amzer 1944, p. 8.)
   • Ar c'hi a zo o redek louarn pe o redek gad, hag ar c'hazh o logota. — (Jakez Riou, An Ti Satanazet, Skridoù Breizh, 1944, p. 9.)
   • Hemañ a zo ur c'hazh mat da logota. — (Jules Gros, Le trésor du breton parlé Deuxième Partie, 1970, p. 243.)— (Jules Gros, Le trésor du breton parlé Deuxième Partie, 1970, p. 323.)

Deveradoù

• logotaer
• logotaet

Troioù-lavar

• chom da logota : chom da ruzañ, da c'hoari

Krennlavaroù

• Ar c'hazh a vourr o logota
  Hag ar c'hi o koulineta
• Kazh maneget n'eo ket mat da logota
• Ur c'hazh buan n'eo ket mat da logota

Troidigezhioù

• galleg : attraper des souris ^(fr) , chasser les souris ^(fr)