neizh

Brezhoneg

Etimologiezh

Testeniekaet en henvrezhoneg (nith).

Meneget er C'hatolikon (nezz).

Da geñveriañ gant ar gerioù nyth en kembraeg hag en kerneveureg, nead en iwerzhoneg.

Anavezet evel anv-lec'h :

Kernejo (Kêrnezhoù).

Neizh Vran, e Bro Leon.

Anv-kadarn

neizh /ˈnɛjs/ gourel (furm vihanaat : neizhig, liester : neizhi, neizhioù)

1. Goudor savet gant evned 'zo evit dozviñ, goriñ o vioù ha sevel o floged.
   • Me, paotr, em-eus kavet eun neiz moualh hag a zo daou ui e-barz. — (Jules Gros, Le trésor du breton parlé Deuxième Partie, 1970, p. 373.)
2. Kasaat, kazañ e neizh : dilezel e neizh.
   • Ar bik he-deus kazet he neiz. — (Jules Gros, Le trésor du breton parlé Deuxième Partie, 1970, p. 373.)
3. (Dre astenn-ster) Lec'h ma vez ganet o re vihan gant loened 'zo.
4. Hed-gwenan.
5. (dre skeudenn-lavar) Lojeiz klet.
   • Nao a vugale a deuio, an eil war lerh egile, da lakaad buhez ha levenez en neizig-ze. — (Tad Medar, An Tri Aotrou, 1981, p. 73.)
6. (dre skeudenn-lavar) Kuzhiadell.
7. Lost an neizh : bugel diwezhañ an tiegezh.
8. neizh, neizhig ar vaouez: kourzh ar vaouez.
9. Un neizh touseg : ur c'hozh ti divalav.
   • Me n'am-bo ket eun neiz touseg evel da hini te. — (Jules Gros, Le trésor du breton parlé Deuxième Partie, 1970, p. 373.)
10. Bezañ war e neizh.

Stummoù all

• nezh

Deveradoù

• dineizh
• dineizhañ
• dineizher
• neizhaoua

• neizhiad
• neizhiañ
• neizhiata
• neizhiataer

Troioù-lavar

• diskoachañ ar voualc'h war he neizh
• ober un neizh : kac'hat

Troidigezhioù

• esperanteg : nesto ^(eo)
• galleg : nid ^(fr)
• italianeg : nido ^(it)  gourel

• kembraeg : nyth ^(cy)
• kerneveureg : nyth ^(kw)
• portugaleg : ninho ^(pt)
• saozneg : nest ^(en)
• spagnoleg : nido ^(es)