raden

Brezhoneg

Raden.

Etimologiezh

Testeniekaet en henvrezhoneg (ratten).

Meneget er C'hatolikon (raden).

Da geñveriañ gant ar gerioù rhedyn e kembraeg, reden e kerneveureg, raith e krenniwerzhoneg ha ratis e galianeg.

Deuet eus ar ger keltiek *φratis, a zeufe eus ar wrizienn indezeuropek *p(t)erH-, a gaver er gerioù papártis, papar̃tis, papartу̃s e lituaneg ha paproć e poloneg.

Anv-kadarn

raden /ˈrɑːdɛn/ strollder (unanderenn radenenn)

1. Plant bividik ha geotek gant sanioù ha klorofil, hep bleuñv na greun, a sav delioù troc'h-didroc'h ha dangorz.
   • Kuzhet e voe ar c'hure e-touez ar raden hag an delioù, ha pa voe degouezhet an noz, ec'h eas an aotrou gant e vevel d'hen kas da di Jakez. — (Fañch an Uhel, Kontadennoù ar Bobl/3, Al Liamm, 1988, p. 204.)
   • « N'eo ket Plouie bro ar raden ? » — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 27.)
   • War lezenn an hent delioù an drein hag ar raden a oa goloet gant un troc'had poultr gwenn. — (Ronan Huon, AR GWENNILI-MOR, Al Liamm niv. 77, Du-Kerzu 1959, p. 408.)
   • Yann en deus dic'houzouget e falc'h o troc'hañ raden, re e sache warni. — (Jules Gros, Le trésor du breton parlé Deuxième Partie, 1970, p. 453.)
   • Bevañ a rae e-unan en ur blockhaus kozh goloet a zrez hag a raden. — (Edouarzh Ollivro, troet gant Jakez Konan, Pikoù Mab e Dad, Mouladurioù Hor Yezh, 1983, p. 299.)
   • Gant an amzer domm-mañ e kresk ar patatez memes tra Doue ‘vel raden, — (Jules Gros, Le trésor du breton parlé Première Partie, 1966, p. 38.)

Deveradoù

• diradenañ
• radena

• radenadeg
• radeneg

• radenek
• radenenn

• radenerezh

Gerioù kevrennek

• kilhog-raden
• raden-aer
• raden-aod
• raden-bezhin

• raden-bleiz
• raden-derv
• raden-dour
• raden-gad

• raden-gwez
• raden-marc'h
• raden-mor

• raden-pesk
• raden-puñs
• raden ruz

Troioù-lavar

• bezañ an aour war ar raden gant unan bennak
• sevel evel raden : kreskiñ buan-tre

Troidigezhioù

• alamaneg : Farn ^(de)  gourel
• arabeg : سَرْخَس‎ ^(ar) (sarḵas)  gourel
• euskareg : ira ^(eu)
• galleg : fougère ^(fr)  benel
• gresianeg : φτέρη ^(el) (ftéri)  benel
• italianeg : felce ^(it)  benel
• iwerzhoneg : raithneach ^(ga)  benel
• kembraeg : rhedyn ^(cy)

• kerneveureg : reden ^(kw)
• luksembourgeg : Far ^(lb)  gourel
• nederlandeg : varen ^(nl)
• poloneg : paproć ^(pl)  benel
• romañcheg : felesch ^(rm)  gourel
• saozneg : fern ^(en)
• skoseg : raineach ^(gd)  benel
• spagnoleg : helecho ^(es)  gourel

Gwelet ivez

• Ar pennad « raden » e-barzh Wikipedia

Daveoù

Roll an daveoù :