tener

Brezhoneg

Amprestet digant an anv-gwan latin tener.

Meneget er C'hatolikon (tener).

Da geñveriañ gant ar ger kembraek tyner.

tener /ˈtẽː.nɛr/

Ha n'eo ket kalet.
Kig tener
Kemm-digemm (amzer) .
- Goude Gouel ar Werc’hez e vez tener an amzer ur reuziad. — (TBP?, p. ?.)
kizidik goude ul labour, ur boan, pa gomzer eus c'horf:
- Pa 'm-bez palet e vez tener koubl ma gar e-pad daou pe dri devez. — (Jules Gros, Le trésor du breton parlé Deuxième Partie, 1970, p. 513.)
tener ouzh an amzer: kizidik
- Ar patatez « Duk » a zo tener ouz an amzer. — (Jules Gros, Le trésor du breton parlé Deuxième Partie, 1970, p. 513.)
diwar-benn ar galon, ar flouradoù (pokoù hag all):
- Mes ar merc’hed zo ken temptus ha va c’halon ken tener
  Ma’z on en desped d’am barv kontregn da heuilh ar vicher.— (Prosper Proux, Son ar merc’hetaer.)
- ... goude reiñ bep a dri bok tener dezho — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 159.)
diwar-benn ar garantez
- a-nebeudoù e garantez kenderv a zo o treiñ en unan all kalz teneroc'h. — (Brogarour, Onenn, 1936, p. 68.)
diwar-benn komzoù, skridoù
- « O! » emezi, en ur dennañ ur follennig baper diouzh tre pajennoù ul levr : « Ul lizher tener-glizh !... — (Youenn Drezen, Sizhun ar Breur Arturo, Al Liamm, 1971, p. 43.)
(lennegezh) : yaouank
- un oad tener.

tener /ˈtẽː.nɛr/

Graet en un doare tener.
- Komz, pokat tener
- Na tener e pok dezhañ! — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 49.)

tener /teˈneɾ/

Kaout, en devout.
- Hay que tener dinero. Ret eo kaout arc'hant.
- No se puede viajar sin tener dinero. N'haller ket beajiñ hep kaout arc'hant.

tener