tremen lost al leue dre c'henoù unan bennak

Brezhoneg

Etimologiezh

diwar ar verb tremen, an anv-kadarn lost, ar ger-mell strizh al, an anv-kadarn leue, an araogenn dre, an anv-kadarn genoù hag unan bennak.

Troienn verb

tremen lost al leue dre c'henoù unan bennak /Distagadur ?/

1. Lakaat unan bennak da grediñ siklezonoù
   • Hemañ e-neus c'hoant da dremen lost al leue dre ma genou. — (Jules Gros, Le trésor du breton parlé Deuxième Partie, 1970, p. 315.)
   • Kasoni ruz en devoa ouzh ar paotr kozh Combes ha pa veze anv eus Renan e riskigne faeüs e-giz un aotrou desket-bras na dremener ket lost al leue dre e c'henou. — (Edouarzh Ollivro, troet gant Jakez Konan, Pikoù Mab e Dad, Mouladurioù Hor Yezh, 1983, p. 271.)
   • Met he gwaz, Matav Tangi, ne oa ket un hanter c'henaoueg ha diaes e oa tremen lost al leue dre e c'henoù. — (Ernest ar Barzhig, Minna ha danevelloù all..., Mouladurioù Hor Yezh, 1988, p. 104.)

Troiennoù heñvelster

• tennañ siklezonoù da unan bennak

Troidigezhioù

• galleg : faire accroire quelque chose quelque chose à quelqu'un ^(fr)
• galleg : faire prendre des vessies pour des lanternes ^(fr)