trevell

Brezhoneg

Sellet e vez ouzh ar bajenn pe ar gevrenn-mañ evel un divraz da glokaat e brezhoneg. Mar gouezit tra pe dra diwar-benn danvez ar pennad e c'hellit lakaat ho kouiziegezh da dalvezout dre gemmañ ar bajenn-mañ diouzhtu goude klikañ war al liamm « kemmañ ».

Etimologiezh

Diwar ar ger gallek travail.

Anv-kadarn

trevell /ˈtreːvɛl/ hollek gourel

1. Obererezh labourus rediet gant ar vicher pe gant forzh petra all
   • « Deomp d'ar gambr ruz. Ret eo dimp diwall na rafemp trouz : ne dle den gouzout tra eus an trevell emaomp o vonet da stagañ gantañ ». — (Jakez Konan, Ur marc'hadour a Vontroulez, Al Liamm, 1981, p. 47.)
   • "Na bihan an den, a soñjas an enseller, e-keñver ur seurt ec'honder ! Na dister hon trevell er bed-mañ e-keñver ar beurbadelezh !" — (Goulc'han Kervella, Brezel ar Rigadell, Al Liamm, 1994, p. 108.)
2. (Ent strizh) Diaezamant, tra hag a strob ar spered

Gerioù heñvelster

1. labour
2. nec'h, trabas, tregas

Deveradoù

• trevelliñ
• trevellus

Troioù-lavar

• kalediñ ouzh an trevell : boaziañ pep a nebeut ouzh ar boan roet gant al labour

Troidigezhioù

1. galleg : labeur ^(fr) , occupation ^(fr) , peine ^(fr) , travail ^(fr)
2. galleg : embarras ^(fr) , tracas ^(fr)