enez

Gwelet ivez : hennezh

Brezhoneg

Etimologiezh

Anv-kadarn 1 :

Kavet en henvrezhoneg hag en krennvrezhoneg (enes).

Da geñveriañ gant ar gerioù ynys en kembraeg, enys en kerneveureg, inis en iwerzhoneg.

Anv-kadarn 2 :

Kavet en krennvrezhoneg (eznes), stumm benel eus ezn, (evn).

Anv-kadarn 1

enez /ˈẽːnes/ benel (furm vihanaat : enezig, liester : inizi)

1. (Douaroniezh/Geografiezh) Tachennad douar gronnet a zour, en ur mor, ul lenn pe ur stêr
   • P' en em gavchont e-kreiz an enez, [...]. — (G. MILIN, Gwechall-goz e oa..., Kemper, 1924, p. 60.)
   • Edon war ur begad douar fraost ha didud hervez doare, un enez tric'hornek troet ar penn moanañ anezhi d'an hanter-noz. — (Daniel Defoe, lakaet e brezhoneg gant Yeun ar Gow, Abrobin, Al Liamm, 1964, p. 27.)
   • "Lazhet en deus daou zen yaouank a ouie e oa Toull-Hent en enez hag en aod. [...] ?" — (Goulc'han Kervella, Brezel ar Rigadell, Al Liamm, 1994, p. 189.)
   • Ar plac'h yaouank, ken dinerzh ha difiñv ha pa vefe marv, a zo taolet he c'horf war aodoù an enez. — (Langleiz, Enez ar Rod, Mouladurioù Hor Yezh, 2000, p. 17.)
2. (Lec'hanv) Termen a vez heuliet gant ul lec'hanv hag a ya da envel an enezenn-mañ-enezenn
   • Enez-Hir, Enez-Sun, Enez-Vaz, Enez-Veur, Enez-Vriad, Enez Wenn,

Doareoù-skrivañ all

En doare-skrivañ etrerannyezhel e vez skrivet enes.

Deveradoù

• enezad
• enezat
• enezeg
• enezek
• enezenn
• enezennad
• enezour

Gerioù kevrennek

• gourenez
• ledenez
• ragenez

Troidigezhioù

• alamaneg : Insel ^(de)
• daneg : ø ^(da)
• esperanteg : insulo ^(eo)
• galleg : île ^(fr)
• italianeg : isola ^(it)
• iwerzhoneg : oileán ^(ga) , inis ^(ga)
• kembraeg : ynys ^(cy)
• kerneveureg : enys ^(kw)

• nederlandeg : eiland ^(nl)
• norvegeg : øy ^(no)
• portugaleg : ilha ^(pt)
• saozneg : island ^(en)
• skoseg : eilean ^(gd) , innis ^(gd)
• spagnoleg : isla ^(es)
• svedeg : ö ^(sv)
• turkeg : ada ^(tr)

Anv-kadarn 2

enez /ˈẽːnes/ benel (liester : enezed, enezi)

1. Yar yaouank n'he deus ket dozvet c'hoazh ; polez

Doareoù-skrivañ all

En doare-skrivañ etrerannyezhel e vez skrivet enes.

Deveradoù

• enez lart
• enez ouez

Troidigezhioù

• galleg : poulette ^(fr) (jeune poule)
• kembraeg : cyw iâr ^(cy)

• saozneg : pullet ^(en)

Gwelet ivez

• Ar pennad « enez » e-barzh Wikipedia