kazetenn
Brezhoneg
Etimologiezh
- Diwar ar ger gallek gazette a zeu eus ar ger italianek gazzetta a oa ur moneiz eus Venezia kevatal gant priz ur gazetenn.
Anv-kadarn
kazetenn /kaˈzetːɛn/ benel (liester : kazetennoù)
- Embannadenn vareadek savet evit ur rumm lennerien resis
- Hogen ne zinac'his ket ober tro ar vourc'h, pa c'houlennas diganin mont da werzhañ kazetenn ar « Sillon », anvet « L'Eveil Démocratique » m'em eus soñj. — (Yeun ar Gow, E Skeud Tour Bras Sant Jermen, eil emb. Al Liamm, 1978, p. 248.)
- (Ent strizh) Embannadenn bemdeziek ma tezreveller an darvoudoù, ar c'heleier
- [...], pet ha pet gwech n'eo ket degouezhet din lenn ar gazetenn da hanternoz ha diwezhatoc'h c'hoazh em liorzh Borovitchi, [...]. — (Jarl Priel, Va Zammig Buhez, Al Liamm, 1954, p. 172.)
- [...], damc'hourvezet en e gador-vrec'h evel ma plije dezhañ bezafñ, o treiñ goustad pajennoù bras e gazetenn. — (Pêr Denez, Glas evel daoulagad c'hlas na oant ket ma re, Al Liamm, 1979, p. 38.)
- − [...]. Lennet am eus se war ar gazetenn. — (Yann Gerven, Brestiz o vreskenn, Al Liamm, 1986, p. 15.)
- Ur wech bennak ar sizhun e selle Tonton Vernon a-us d'e gazetenn [...]. — (J.K. Rowling, lakaet e brezhoneg gant Mark Kerrain, Harry Potter ha Maen ar Furien, An Amzer embanner, 2012, p. 25.)