bourc'h
Brezhoneg
|
Sellet e vez ouzh ar bajenn pe ar gevrenn-mañ evel un divraz da glokaat e brezhoneg. Mar gouezit tra pe dra diwar-benn danvez ar pennad e c'hellit lakaat ho kouiziegezh da dalvezout dre gemmañ ar bajenn-mañ diouzhtu goude klikañ war al liamm « kemmañ ». |
Etimologiezh
- → Etimologiezh da glokaat (Ouzhpennañ)
Anv-kadarn
bourc'h /ˈburx/ benel (liester : bourc'hioù)
- Kreizenn ar barrez, enebet ouzh ar c'hêrioù war ar maez ; bourk
- Eur zul d'abarde, Fanch Torchen a yeas d'ar vourc'h, en sonj da gavout an Diaoul-Pôtr en eun ostaliri, ha da gaozeal gantan war digare evan eur bannac'h. — (Erwan ar Moal, Pipi Gonto, Kemper, 1925, p. 75.)
- An iliz, e Plouider, a zo gwintet war penn uhelañ ar vourc'h, diouzh kostez aod Goulc'han. — (Brogarour, Onenn, Gwengamp, 1936, p. 11.)
- [...], met daoust da se n'on ket bet savet er vourc'h, met er c'hrav gozh war un tamm tosenn, [...]. — (Jarl Priel, Va Zammig Buhez, Al Liamm, 1954, p. 7.)
- Diouzh ret, am bije gallet mont d'ar vourc'h da di an intañvez am eus graet anv diouti, [...]. — (Jarl Priel, Va Buhez e Rusia, Al Liamm, 1955, p. 16.)
- Ret e oa treuziñ ar vourc'h. — (Roparz Hemon, Ho kervel a rin en noz ha marvailhoù all, Al Liamm, 1970, p. 15.)
- Filomena eo a lakaas mestr-skol ar vourc'h tostañ da zont teir gwech ar sizhun da gelenn d'ar plac'hig lenn, skrivañ, jediñ, hag ar c'hatekiz. — (Roparz Hemon, Mari Vorgan, Al Liamm, eil emb. 1975, p. 83.)
- Ur gêrig koant eo bourc'h Brasparz, gwintet war un dorgenn peuz uhel o sellout, war-zu ar c'hreisteiz, ouzh douaroù Pleiben. — (Yeun ar Gow, E Skeud Tour Bras Sant Jermen, eil emb. Al Liamm, 1978, p. 14.)
- Un straed hir, tiez gwennrazet en daou du dezhi ho kas da greiz ar vourc'h. — (Jakez Konan, Lannevern e kañv ha danevelloù all, Al Liamm, 1980, p. 43.)
- Pa voe bet, avat, kaset an intañvez d'ar vered, ne voe mui gwelet Jampi Rognant dre ar vourc'h nemet da Gala-Goañv. — (Abeozen, Pirc'hirin Kala-Goañv, Al Liamm, eil emb. 1986, p. 15.)
- Direnket e oa bet gant kerzhed unan bennak o vont gant an hent a gase d'ar vourc'h. — (Youenn Kervalan, Dremmoù Arrasate, Embannadurioù Al Lanv, 2009, p. 15.)
Gerioù kar dre o ster
Deveradoù
Gerioù kevrennek
Anvioù-lec'h
Evezhiadenn
Gwall souezhus an hini eo o dije graet Tregeriz, evel Erwan ar MOAL, Jakez KONAN ha Jarl PRIEL, gant ar ger bourc'h e-lerc'h bourk. Koulskoude, Priel en devoa graet gant ar ger bourk kent, er pezh-c'hoari berr An Dakenn dour da skouer, bet embannet en diskar-amzer 1942...