korn-butun

Brezhoneg

Ur c'horn-butun pri

korn-butun /kɔrnˈbytːỹn/ gourel (liester : kerniel-butun, kornioù-butun)

Podig pri pe goad, garet moan, ma lakaer butun, hag a lakaer er genoù da vutunat
- Prenañ a ris 'ta e Toulon ur pikol korn-butun eus ar c'haerañ gant ur c'harenn wer ma veze diskennet enni dour c'hwezh vat, e gwirionez ur « narghileh » e giz an Durked. — (Jarl Priel, Va Zammig Buhez, Al Liamm, 1954, p. 88.)
- [...], Laou Germoal a grizas e dal hag a dufas stankoc'h eget boaz en tan en ur sachañ war e gorn-butun hep rannañ ger. — (Abeozen, Pirc'hirin Kala-Goañv, Al Liamm, eil emb. 1986, p. 129.)
- Komz a rae en ur sachañ war e gorn-butun. — (Goulc'han Kervella, Lara, Al Liamm, 1989, p. 99.)

[...].
Hag am-oa gwelet ar c'hefeleg
Ur c'horn-butun en e veg
[...]. — (Jules Gros, Le trésor du breton parlé Troisième Partie, 1974, p. 375.)