kreñvoc'h
Brezhoneg
Etimologiezh
Furm anv-gwan
kreñvoc'h /ˈkrẽwːɔx/
- Derez-uheloc'h an anv-gwan kreñv
- Ma skoas un taol all kreñvoc'h. — (Fañch an Uhel, Kontadennoù ar Bobl/1, Al Liamm, 1984, p. 53.)
- Homañ hen laka arre er varrikenn hag e teu e-maez kalz kreñvoc'h c'hoazh. — (Fañch an Uhel, Kontadennoù ar Bobl/2, Al Liamm, 1985, p. 96.)
- Dont a riz evelato d'en em jala ; skei a riz krenvoc'h ha mortoc'h var an or.... Netra. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 39.)
- Ar merc'hed a c'hoarzas muioc'h ha krenvoc'h c'hoaz... — (Ivon Krog, Eur Zac'had Marvailhou, Buhez Breiz, Kemper, 1924, p. 168.)
- An dud ivez a rank hiriv kaout boued kreñvoc'h ha fonnusoc'h rak tenn e vezo d'ar c'horf ac'hann d'an noz. — (Brogarour, Onenn, Gwengamp, 1936, p. 39.)
- Kreñvoc'h e save mouezh ar bugel bremañ ha dre e bedenn e lavare da Zoue : [...]. — (Jakez Konan, Noz ar Pellgent, Al Liamm niv. 65, Du-Kerzu 1957, p. 14.)
- Hi da skeiñ kreñvoc'h. — (Anatol ar Braz, lakaet e brezhoneg gant Erwan ar Moal, Mojenn an Ankou, Mouladurioù Hor Yezh, 1986, p. 43.)
- Kreñvoc'h eget :
- Krenvoc'h oant var an dibri hag an efa, eget n'oant var an emgann. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 142.)
- Koulskoude ne gredas ober droug ebet da Charlez, dre m'en devoa aon e vije kreñvoc'h majisian egetañ, rak gwelet a rae sklaer penaos kement-se na c'halle bezañ graet nemet dre vaji. — (Fañch an Uhel, Kontadennoù ar Bobl/1, Al Liamm, 1984, p. 74.)
- An holl verc'hed a c'hoarzhas ivez, gwreg an eilkabiten, — pegen boutin ha diseven eo ar vaouez-se ! — kreñvoc'h eget ar re all. — (Roparz Hemon, Mari Vorgan, Al Liamm, eil emb. 1975, p. 15.)
- Kreñvoc'h evit :
- Skei a riz varn-hi krenvoc'h c'hoaz evit n'am boa great var ar prenestr. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 41.)
- Hag hemañ neuze ha mont en ul leon c'hwec'h gwech kreñvoc'h ha galloudusoc'h evit al leon kreñvañ ha galloudusañ [...]. — (Troude ha Milin, Labous ar Wirionez ha Marvailhoù all, Skridoù Breizh, 1950, p. 143.)
- Kreñvoc'h war :
- Krenvoc'h oant var an dibri hag an efa, eget n'oant var an emgann. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 142.)
- Me a zo kreñvoc'h war an debriñ evid war an evañ. — (Jules Gros, Le trésor du breton parlé Troisième Partie, 1974, p. 230.)
- Kreñvoc'h-kreñvañ : muioc'h-mui kreñv
- Houmañ neuze a ra he c'hlemmoù kreñvoc'h-kreñvañ, un druez he c'hlevout. — (Troude ha Milin, Labous ar Wirionez ha Marvailhoù all, Skridoù Breizh, 1950, p. 125.)
- Seul greñvoc'h :
- Seul greñvoc'h ez enebent, seul rustoc'h e veze paotred an urzh. — (Jakez Konan, Ur marc'hadour a Vontroulez, Al Liamm, 1981, p. 72.)
Gerioù enepster
Troioù-lavar
Troidigezhioù
- galleg : plus fort(e)(s) (fr) (que)