mirout ouzh unan bennak da ober un dra bennak
Brezhoneg
Etimologiezh
- Eus mirout, ouzh, unan bennak, da, ober, un dra bennak.
Troioù-lavar
mirout ouzh unan bennak da ober un dra bennak
- O c'hlemmoù a laka a-wechoù diaes penn ar micherour, mes ne viront ket outañ avat da ober ar memes tra ar sizhun war-lerc'h. — (Lan Inizan, Emgann Kergidu 1, Brest, 1877, eil emb. Al Liamm 1977, p. 54.)
- Kement-man ne vir ket ouc'h an Aoutrou Doue da veza digoret gant laouenedigez dor he varadoz da Jannet ha da Vanuel, [...]. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 75.)
- ... netra ne viro ouzhin da lakaat va spered da soñjal e Doue ha [na?] va c’halon d’her c’haret betek va huanad diwezhañ. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 213.)
- Patern. — Ha petra vir ouzoc'h da labourat ha da studia er gear ? — (Yann-Vari Perrot, An Aotrou Kerlaban Pez farsus e 3 Arvest, Brest, 1922, p. 45.)
- — [...] : gouzout ervad a rit e karan ac'hanoc'h kement, ne ve netra hag a virfe ouzin da ober vad d'eoc'h, ma ve gouezet petra eo. — (G. MILIN, Gwechall-goz e oa..., Kemper, 1924, p. 10.)
- — Ar penn-baz-man, emean, an nevo miret ouz ma zad-iou-koz, gwechall, da gouean etre skilfou an den-man. [...]. — (Erwan ar Moal, Pipi Gonto, Kemper, 1925, p. 124.)
- [...] ; kement-se ne vir ket ouzhin da gaout va skiant-prenañ. — (Youenn Drezen, Itron Varia Garmez, Skrid ha Skeudenn, 1941, Al Liamm, 1977, p. 23.)
- Trouz ar roñfl o kana a viras outañ da glevout Seven hag o deir mignonez. — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 37.)
- Lavaret e vije bet e oa savet tabut etre ar mitizhien. Div anezho a oa e toull an nor evel o klask mirout ouzh un all da dremen. — (Roparz Hemon, Diamantoù Keroulaz, Al Liamm, 1964, p. 230.)
- Kement-se ne vire ket ouzh ar pep brasañ anezho, kuzulierien hag all, da gas o bugale d'ar skolioù kristen. — (Yeun ar Gow, E Skeud Tour Bras Sant Jermen, eil emb. Al Liamm, 1978, p. 243.)