plijadur
Brezhoneg
Etimologiezh
Anv-kadarn
plijadur /pliˈʒɑːdyr/ benel : ar blijadur; liester: plijadurioù
- bezañ plijadur (oc'h ober un dra)
- Plijadur 'vo!
- Plijadur zo bet!
- Estreget ar pezh a vez plijadur oc'h ober a ranker da ober. [...]. — (Yann-Vari Perrot, E-tal ar poull, C'HOARIVA BREZHONEK, Pemp pezh-c'hoari berr, Skridoù Breizh, 1944, p. 44.)
- bezañ plijadur ober un dra (ur blijadur eo ober)
- Ur banne ne ray ket a zroug, rak pell 'zo e valean, hag ouzhpenn, ur blijadur eo trinkañ gant ur c'hamalad kozh eveldout. — (Klaoda ar Prad, An teir c'had ; Ar mevel laer, Ti-moulerezh Sant-Gwilherm, Sant-Brieg, 1908, p. 7.)
- Nag a blijadur sevel en tour da seniñ ar c'hleier, en em lezel da vrallañ a-istribilh ouzh ar c'herdin pa vez fin d'ar son. — (Tad Medar, An Tri Aotrou, 1981, p. 70.)
- bezañ ur blijadur (da un den) ober un dra
- Ur blijadur e oa din ho klevout o kanañ.
- Ur blijadur eo din ho kwelet. Brezhoneg ar Skorv 106
- Ur banne ne ray ket a zroug, rak pell 'zo e valean, hag ouzhpenn, ur blijadur eo trinkañ gant ur c'hamalad kozh eveldout. — (Klaoda ar Prad, An teir c'had ; Ar mevel laer, Ti-moulerezh Sant-Gwilherm, Sant-Brieg, 1908, p. 7.)
- bezañ en e blijadur, ober udb en e blijadur,
- Me n'on ket o vont da zimeziñ c'hoazh : me n'on ket skuizh em flijadur. — (Jules Gros, Le trésor du breton parlé Deuxième Partie, 1970, p. 419.)
- bezañ war-lerc'h e blijadur : klask e blijadur
- kaout plijadur, un tamm plijadur, kalz a blijadur (oc'h ober un dra)
- kavout e blijadur en un dra: kaout plijadur gant un dra
- An den zo krouet evit al labour ; ennan eo e kav e blijadur, hag ar bara c’houekan a zebr eo an hini a zo ar muian e c’houezen ennan. — (Yann-Vari Perrot, Erwan ar Moal, Bue ar Zent, Montroulez, 1912, p. 404.)
- kemer plijadur (gant un dra, oc'h ober un dra)
- Plijadur a gemeran gant nebeud a dra.
- Ni a gemer plijadur gand netra. — (Jules Gros, Le trésor du breton parlé Deuxième Partie, 1970, p. 419.)
- klask e blijadur : na ober van ouzh netra nemet e blijadur
- Seul-vui ma klask an ene e blijadur e-touez ar grouadurien, ha seul nebeutoc’h a blijadur en deve gant Doue. — (Yann-Vari Perrot, Erwan ar Moal, Bue ar Zent, Montroulez, 1912, p. 666.)
- ober plijadur da un den
- Grit plijadur din.
- Ma ra plijadur dezhañ, din-me ne ra ket displijadur. — (Jules Gros, Le trésor du breton parlé Deuxième Partie, 1970, p. 419.)
- Mes ar pezh a ouzon, hag un dra hag a ra plijadur din, eo soñjal e tremeno hiviziken hor moereb ur vuhez eürus war an douar. — (Jakez Riou, An Ti Satanazet, Skridoù Breizh, 1944, p. 15.)
- Kaer am beze gwinkal ha difretañ, graet e veze din 'ta lonkañ hep sellout berr, ha kement hag ober plijadur d'am zintin, ur bern moc'haj, blaz an diaoul warno, ha na raent na droug na vat d'ur bugel ken yac'h ha den. — (Jarl Priel, Va Zammig Buhez, Al Liamm, 1954, p. 36.)
- ober un dra evit plijadur den pe zen:
- Ar vogedenn c'hwek a sav evit plijadur an dud hag an aeled. — (Sant Frañsez a Sal, troet gant Jelvestr Seveno, En Nor ag er Vuhé Devot, Gwened, 1917, p. 11.)
- ober un dra bennak evit ar blijadur : evit netra, hep bezañ paeet
- bevañ hervez e blijadur
- ober un dra bennak gant plijadur
- Selaou a rae gant plijadur ouzh geizadeg an ec'hwedered o c'hlizenniñ eus lein an oabl war an edeier tener ha war ar patatez en o bleuñv. — (Jakez Konan, Lannevern e kañv ha danevelloù all, Al Liamm, 1980, p. 49.)
- ober un dra bennak en e blijadur
- Fañch hag Erwan a vije neuze o vale en o flijadur gant ar priñsezed, ha ne diskouezent kaout keuz ebet d'o breur yaouank. — (Fañch an Uhel, Kontadennoù ar Bobl/1, Al Liamm, 1984, p. 22.)
- ober un dra bennak war e blijadur
- skrijal gant ar blijadur
- bezañ (azezet, astennet, beuzet) en e blijadur, en e bemp plijadur warn-ugent
- Amañ, bremañ, ez on em flijadur . — (Jules Gros, Le trésor du breton parlé Deuxième Partie, 1970, p. 419.)
- Amañ e oas azezet ez pemp plijadur . — (Jules Gros, Le trésor du breton parlé Deuxième Partie, 1970, p. 419.)
- en em reiñ d'ar plijadurioù : d'ar vuhez diroll
- skuizhañ en e blijadur: kaout c'hoant da vevañ en un doare all
- Ne skuizhan ket em flijadur
- padout gant ar blijadur
- e-barzh troiennoù hetiñ
- Seizh plijadur ha dek ouzhpenn (a hetan deoc’h), GDFB
- estlammadell
- Ur blijadur!
- Ur blijadurig!