sachañ

Brezhoneg

Etimologiezh

Savet gant sach hag -añ.

Verb

sachañ /ˈsaʃːã/ verb kreñv eeun (displegadur)

1. Dilec'hiañ un dra bennak war-zu un dra bennak.
2. sachañ un dra bennak war ul lec'h bennak, en ul lec'h bennak, diouzh ul lec'h bennak
   • Sachañ ar vag war an traezh.
   • — [...] Anzao ouzign ; ped gueach nec'h euz ket sachet tud enn da di evit ho mezvi, ha, pa vezent mezo, ped gueach ne c'heuz ket lakeat da zourn enn ho godel evit kemeret ho guenneien ! [...]. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 321.)
   • [...] amañ a zo un dra bennak da sachañ diouzh ar mor. — (Fañch al Lae, Bilzig, Kemper, 1925, p. 110.)
3. sachañ kuit :lemel kuit .

sachañ war un dra bennak verb kreñv dieeun

1. Embreger un nerzh war un dra bennak war-zu un den, da skouer: sachañ war blev un den, war lost ul loen.
   • Biskoazh kemend-all ! biskoazh kemend-all ! Unan o reiñ al lerenn d’ar yer, hag an hini all o sachañ hardi war lost va femoc’h !… — (Jakez Riou, An Ti Satanazet, Skridoù Breizh, 1944, p. 131.)
   • — Dalc'h 'ta ! eme Jakez ar Runigoù, en ur sachañ war gordenn ar c'hloc'h bras. — (Jakez Riou, Geotenn ar Werc'hez ha danevelloù all, Al Liamm, 1957, p. 55.)
2. Sachañ warni : labourat start.
   • Sach warni ! — (Jules Gros, Le trésor du breton parlé Première Partie, 1966, p. 236.)
   • Yann en deus dic'houzouget e falc'h o troc'hañ raden, re e sache warni. — (Jules Gros, Le trésor du breton parlé Deuxième Partie, 1970, p. 453.)

sachañ verb gwan

1. sachañ gant an den, pe an dra:

   • Sach ganit!: Kemer hardizh (pa gomzer eus boued).

   Skarzhañ mat ar moged.

   • Sachañ a ra ma fourno gantañ. — (Jules Gros, Le trésor du breton parlé Deuxième Partie, 1970, p. 452.)

en em sachañ verb emober

1. Mont kuit.
   • En em sachit alese evel ma karot ; n'eo ket me eo am eus ho taolet er poull, met n'eo ket me kennebeut eo an hini ho tenno er-maez. — (Yann-Vari Perrot, E-tal ar poull, C'HOARIVA BREZHONEK, Pemp pezh-c'hoari berr, Skridoù Breizh, 1944, p. 52.)
   • Diegi 'm eus [oc'h] en em sachañ diouzh an oto. — (Kristian ar Braz, Kest, Keit Vimp Bev, 2009, p. 6.)
2. En em zibab.

Deveradoù

• desachañ
• disachañ
• sachadenn
• sachañ war ar gordenn
• sacher
• sacherezh
• sacherig
• raksachet

Troioù-lavar

• sachañ an dour d'e vilin
• sachañ an dour war e brad
• sachañ ar c'harr war e gein
• sachañ ar c'hazh d'ar gambr
• sachañ ar c'hravazh war e gein
• sachañ ar fri a-dreñv
• sachañ ar moged
• sachañ d'e du
• sachañ dour d'e foenneg
• sachañ e anal
• sachañ e c'har gantañ
• sachañ e denn gantañ
• sachañ e dreid gantañ
• sachañ e groc'hen gantañ
• sachañ e lêr gant unan bennak
• sachañ e revr gant unan bennak
• sachañ e skasoù gant unan bennak
• sachañ kuit
• sachañ Loull d'e doull
• sachañ war e c'houriz
• sachañ Yann d'ar c'hrignol

Krennlavar

• Ar marc’h a sach a vez hopet warnañ.

Troidigezhioù

Dilec'hiañ war-zu ennor

• alamaneg : ziehen ^(de)
• esperanteg : tiri ^(eo)
• galleg : tirer ^(fr)
• italianeg : tirare ^(it)
• katalaneg : tirar ^(ca)
• latin : duco ^(la)
• saozneg : to pull ^(en) , to drag ^(en)
• spagnoleg : tirar ^(es)
• tchekeg : táhnout ^(cs)

Embreger un nerzh war-zu ennor

• galleg : tirer ^(fr)

Mont kuit

• galleg : se tirer ^(fr)

En em zibab

• galleg : s'en tirer ^(fr)