kordenn

Brezhoneg

Etimologiezh

→ Etimologiezh da glokaat (Ouzhpennañ)

Anv-kadarn

kordenn /ˈkɔrdɛn/ benel (furm vihanaat : kordennig, liester : kerdin, kordennoù)

1. Stroll neudennoù danvez gwiadel, hir pe hiroc'h, gweet an eil gant egile
   • Staget e voe ur gordenn hir eus ar c'helorn ; Fañch ac'h eas neuze e-barzh ar c'helorn hag a voe diskennet er puñs. — (Fañch an Uhel, Kontadennoù ar Bobl/1, Al Liamm, 1984, p. 17.)
   • [...], un tamm plom pounner stag outo, evit o c'has d'ar goueled, hag, ouzh an tamm plom-se, ur gordenn hir, [...]. — (Lan Inizan, Emgann Kergidu 1, Brest, 1877, eil emb. Al Liamm 1977, p. 22.)
   • Adal ma save ur barr avel, rankout a rae daou pe dri sachañ a lazh-korf war bep kordenn ar banniel e-keit ma lamme ar re all da vriata an douger ; [...]. — (Jarl Priel, Va Zammig Buhez, Al Liamm, 1954, p. 53.)
   • Yann a gemeras ur gordenn hag e falc'h. — (Jakez Riou, Geotenn ar Werc'hez ha danevelloù all, Al Liamm, 1957, p. 23.)
   • Ar gordenn a rae un dro varv en-dro da droad ar vuoc'h. — (Jules Gros, Le trésor du breton parlé Deuxième Partie, 1970, p. 342.)
   • [...], nemet ur prenestrig a servijfe d'ar porzhier evit astenn d'ar prizonerezed, dre ur baner staget ouzh ur gordenn, ar magadur o defe ezhomm. — (Langleiz, Romant ar Roue Arzhur/levrenn I : Marzhin, Al Liamm, 1975, p. 20.)
   • "[...] Te, Pendir, kerzh da glask d'ar marchosi ur gordenn bennak, kabestr pe nask, unan kreñv avat !" — (Anatol ar Braz, lakaet e brezhoneg gant Erwan ar Moal, Mojenn an Ankou, Mouladurioù Hor Yezh, 1986, p. 84.)
2. reiñ kordenn da ub : reiñ taolioù gant ur gordenn
   • reiñ kordenn war e lêr da ub

Deveradoù

• kordennad
• kordennañ
• kordenner
• kordennerezh
• kordennig

Gerioù kevrennek

• eontr-kordenn
• kordenn-c'hlav
• kordenn-douar
• kordenn-goad
• kordenn-groug

Troioù-lavar

• bezañ gwe en e gordenn
• bezañ tro en e gordenn
• bezañ un dra bennak kamm en e gordenn
• gweañ e gordenn
• klask treiñ an avel diwar-bouez ur gordenn : klask ober un dra dic'hallus
• lezel kordenn da unan bennak : lezel frankiz da unan bennak da ober/labourat hervez e zoare dezhañ e-unan
• reiñ bec'h d'ar gordenn laosk : ober an nebeutañ (a labour) ar gwellañ
• reiñ kordenn
• treiñ kordenn

Krennlavarioù

• Kordenn a dri gor a vec'h a dorrer.

Troidigezhioù

• alamaneg : Schnur ^(de)
• esperanteg : ŝnuro ^(eo)
• galleg : corde ^(fr)

Rummad:kordenn