egile

Brezhoneg

Etimologiezh

Savet diwar an anv-gwan perc'hennañ e hag an anv-kadarn kile.

Meneget er C'hatolikon (heguile).

Da geñveriañ gant ar stagelloù i gilydd e kembraeg, y gyla e kerneveureg hag a chéile en iwerzhoneg.

Raganv

	Unander	Liester
Gourel	egile /eˈɡiːle/	ar re all /ar re ˈalː/
Benel	eben /eˈbẽːn/	ar re all /ar re ˈalː/

egile /eˈɡiːle/;raganv gourel en unander  ; benel: eben; liester: ar re all

1. (diwar-benn traoù): an anv a vez graet eus unan eus daou dra, an dra all:
   • Egile ne c'hoari mann gantañ. — (Jules Gros, Le trésor du breton parlé Deuxième Partie, 1970, p. ?.)
   • Kaoud a ran kerse diouered egile e kement stumm a zo toud. — (Jules Gros, Le trésor du breton parlé Deuxième Partie, 1970, p. 497.)
   • Ar helorn-mañ a zo tost da zaou-hement egile. — (Jules Gros, Le trésor du breton parlé Deuxième Partie, 1970, p. 527.)
2. (diwar-benn tud) : an den all
   • Ar priñs Aorel a daolas egile ken uhel en aer, KAB 1/45
   • Egile a gemeraz aoun hag a lammaz dreist ar c'hleuz enn hent, [...]. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 93.)
   • Egile a gemeras ar groaz ha kuit ac'hano ganti, hep lavaret ger. — (G. MILIN, Gwechall-goz e oa..., Kemper, 1924, p. 33.)
   • Me, eme egile, a zo mevel gand eun ôtrou. — (Jules Gros, Le trésor du breton parlé Première Partie, 1966, p. 180.)
   • Me am-oa roët eur vazad d'egile war gostez e henou. — (Jules Gros, Le trésor du breton parlé Deuxième Partie, 1970, p. 35.)
   • Er bourk aze emaint toud an eil e genou egile. — (Jules Gros, Le trésor du breton parlé Deuxième Partie, 1970, p. 174.)
   • Honnez a labour kenkoulz gand an eil dorn evel gand egile . — — (Jules Gros, Le trésor du breton parlé Troisième Partie, 1974, p. 129.)
   • Neuze e oa miget ar gaoz pa on-oa gwelet egile o tremen. — (Jules Gros, Le trésor du breton parlé Deuxième Partie, 1970, p. 354.)
   • Hennez a dape eun dorn dezañ war ar rod hag egile dindan ar mouël hag a skoë ar harr war e henou. — (Jules Gros, Le trésor du breton parlé Deuxième Partie, 1970, p. 511.)
   • Hema gand eur gignadenn, egile gand eur pugnez, eur gor pe eun hesked. Louzaoued e vezont evid eur bennoz Doué. — (Tad Medar, An Tri Aotrou, 1981, p. 117.)
   • Poent e oa dezhañ, rak egile n'en devoa ken nemet div gammed da ober ! — (Fañch an Uhel, Kontadennoù ar Bobl/3, Al Liamm, 1988, p. 118.)
3. egile all
4. Tapout eus ur penn d'egile:
   • Eur gwele hag a dap euz eur penn d'ar gambr d'egile. — (Jules Gros, Le trésor du breton parlé Première Partie, 1966, p. 122.) — (Jules Gros, Le trésor du breton parlé Deuxième Partie, 1970, p. 404.)

Deveradoù

• an eil ... egile
• unan ... egile

Stummoù rannyezhel

• an egile (hervez ar gwenedeg hepken a-wechoù)

Troioù-lavar

• sec'hañ an eil dorn gant egile

Troidigezhioù

• galleg : l'autre ^(fr)
• japaneg : 他方 ^(ja) (tahō)
• roumaneg : celălalt ^(ro)
• saozneg : the other ^(en)

Daveoù

Roll an daveoù :