bazhad

Brezhoneg

Etimologiezh

Diwar an anv-kadarn bazh hag al lostger -ad.

Anv-kadarn

bazhad /ˈbɑːzat/ benel (furm vihanaat : bazhadig, liester : bazhadoù)

1. Taol bazh
   • Ro eur vazad d'ar vuoh-se 'ta ! — (Jules Gros, Le trésor du breton parlé Deuxième Partie, 1970, p. 35.)
   • Me am boa bet ur vazhad peogwir e soñje din e oa digogennet ma fenn. — (Jules Gros, Le trésor du breton parlé Troisième Partie, 1974, p. 27.)
2. (Dre astenn-ster) Taol pounner
   • Louis a ra ur vazhad dezhañ ‘dreuz e benn, LE 1286
   • Hag eñ o rei eur vazad all dezañ hag o ranna e benn etre daou damm. — (Jules Gros, Le trésor du breton parlé Première Partie, 1966, p. 169.)
   • Me am-oa roët eur vazad d'egile war gostez e henou. — (Jules Gros, Le trésor du breton parlé Deuxième Partie, 1970, p. 35.)
3. Barrad poan lemm ; ber, broud
   • Pa bouezan war ma dant klañv, hennez a ro eur vazad din-me ! — (Jules Gros, Le trésor du breton parlé Deuxième Partie, 1970, p. 35.)
4. (dre skeudenn-lavar) Gwall daol, reuziad
   • Me a zo bet diskaret gand ar vazad-mañ. — (Jules Gros, Le trésor du breton parlé Deuxième Partie, 1970, p. 35.)
5. (dre skeudenn-lavar) Rebech, tamall kalet a reer da unan bennak, taol flemmus
   • Setu aze eur vazad dit a-dreuz da chouk ! — (Jules Gros, Le trésor du breton parlé Deuxième Partie, 1970, p. 35.)
   • Ze a oa rei eur vazad din-me o veza ma 'm-oa tennet patatez nevez. — (Jules Gros, Le trésor du breton parlé Deuxième Partie, 1970, p. 35.)
6. Respont dichipot
7. (Pemdez) Fakturenn, notenn ker-ruz, zo he sammad kalz en tu-hont d'ar pezh a c'hortozed
   • Fedamdoulle, sell aze eur vazad dit ! — (Jules Gros, Le trésor du breton parlé Deuxième Partie, 1970, p. 35.)
8. Bazhad gouloù, bazhad tan : bann sklêrijenn
   • Ha me o weled diou pe deir vazad tan oh arruoud. — (Jules Gros, Le trésor du breton parlé Deuxième Partie, 1970, p. 35.)

Troioù-lavar

• reiñ bazhad evit bazhad

Krennlavarioù

• Me a zo amañ evel mab Kadïou : p'o-devez ar re all eur vazad, me am-bez dïou. — (Jules Gros, Le trésor du breton parlé Première Partie, 1966, p. 59.)

Deveradoù

• bazhata

Troidigezhioù

• galleg : bastonnade ^(fr) , coup de bâton ^(fr)