tommañ
Brezhoneg
Etimologiezh
- Savet diwar an anv-kadarn tomm hag al lostger -añ.
Furm anv-gwan
tommañ /ˈtɔmːã/
- derez-uhelañ an anv-gwann tomm.
- Moged ar butun, ar cholori, ar boeson, kement-se a rae d'ar pennoù tommañ e tavarn Yann Gornig. — (Youenn Kervalan, Dremmoù Arrasate, Embannadurioù Al Lanv, 2009, p. 24.)
Verb
tommañ /ˈtɔmːã/ verb gwan (displegadur)
- Mont en ul lec'h tomm a-benn degas gwrez d'ur c'horf.
- Un noz, goude koan, e oant chomet da dommañ e-tal an tan. — (Fañch an Uhel, Kontadennoù ar Bobl/3, Al Liamm, 1988, p. 123.)
- Dour a oa o tommañ war an tan... — (Fañch an Uhel, Kontadennoù ar Bobl/3, Al Liamm, 1988, p. 83.)
- Hastit buan, bugale gêz, dont da dal an tan da domma. — (Jules Gros, Le trésor du breton parlé Deuxième Partie, 1970, p. 255.)
Troidigezhioù
- galleg : (se) chauffer (fr)
tommañ /ˈtɔmːã/ verb kreñv eeun (displegadur)
- Degas gwrez en e gorf/izili.
- — [...]. Guelloc'h eo tomma ar c'horf gand banneou leun ar c'hof, eged ne d-eo gant tomder an tan, n'euz forz pegen tomm e c'helfe beza rak nao blavez kraza a ia gand eur sourrad avel. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 280.)
- - O tastum eun tamm keuneud sec'h emaoun, emezan, evit aoza hor c'hoz tammou boued ha tomma va bugaligou. — (G. MILIN, Gwechall-goz e oa..., Kemper, 1924, p. 85.)