war an dro

Brezhoneg

Etimologiezh

Savet diwar an araogenn war, ar ger-mell strizh an hag an anv-kadarn tro.

Troienn adverb

war an dro /warãn'dro/

1. A-gevret, war un dro, en ur wech
   • Stad a zo hizio en holl Vrezoned o welout eur Brezon hag eur brezoneger war an dro, [...] — (Arvor niv. 51, 1941, p. 1b.)
   • C'hoant an nevoa da welet doare ar c'hastell, da glask, war an dro, an tu da dec'het ha da renti droug evit droug. — (Erwan ar Moal, Pipi Gonto, Kemper, 1925, p. 22.)
   • Ha diwezhatoc'h pa zeuas da vezañ va mamm-gozh ha war an dro va maeronez, daoust ha reiñ a reas din un anv kouer bennak, Jakez, Yann, Loull pe Bipi ? — (Jarl Priel, Va Zammig Buhez, Al Liamm, 1954, p. 12.)
   • [...], rak kannerezed ha gisti eus an dibab, daou vicher war an dro o deus ar ganfardezed-se. — (Jarl Priel, Va Zammig Buhez, Al Liamm, 1954, p. 91.)
   • Holl e tleent bezañ ensellet gant ar Prezidant Teddy Roosevelt, kenderv ha war an dro tonton Franklin Delano R. pennrener Amerika e-pad ar brezel diwezhañ. — (Jarl Priel, Va Zammig Buhez, Al Liamm, 1954, p. 102.)

Gerioù heñvelster

• war un dro
• war ar memes tro

Troidigezhioù

• spagnoleg : a la vez ^(es)
• galleg : à la fois ^(fr)
• galleg : d'un seul coup ^(fr)
• galleg : en même temps ^(fr)