n'ouzon dare
(Adkaset eus n'oun doare)
Brezhoneg
Etimologiezh
- Eus na c'houzout dare.
Troienn verb
n'ouzon dare, pe n'oun doare
- n'ouzon ket tamm ebet
- Treuzet em boa an hent braz, great em boa kant paz enn hent kar a zo e penn ti Bielon, dizammet oa dija va c'haloun, p'en em gaviz penn-ouc'h-penn gand eur vandenn soudarded a deue euz n'oun doare peleac'h. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 136.)
- — [...] !... Daoust ha ne ket maro ar feiz c'hoaz enn he galoun ? Ne ouzoun dare. [...]. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 293.)
- Warlene e oan bet gwelet n'ouzoun dare gant piou o koms gant an aotrou person. — (Ivon Krog, Klenved ar Medalennou, Ti-moulerez Sant-Gwilherm, Sant-Brieg, 1909, p. 16.)
- « Eo, avat ! Eur vaouez wenn o nijal buanoc'h eget an avel war-du n'ouzon dare pelec'h. » — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 225.)
- Ac'hano e welont n' ouzon dare pet parrez, ha n' ouzon pet tour koant, kollet o beg ganto en oabl glas. — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 27.)
- « Ya ! ni !... N'oûn dare penaos displegañ va freder... Ne zeu ket soñjoù divodest da virout ouzhit da gousket, a-wechoù ? » — (Youenn Drezen, Sizhun ar Breur Arturo, Al Liamm, 1971, p. 52.)
- N'ouzon dare pelec'h emañ o chom. — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 189.)
- N'ouzon dare ha graet int bet. — (Goulc'han Kervella, Brezel ar Rigadell, Al Liamm, 1994, p. 10.)
- Gwechall goz, n'ouzon dare pegeit a zo abaoe, eur vamm he devoe daou vab war ar memes tro. — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 47.)
- Eur mell labous a ra eur pez taol d'ezañ e-kreiz e dal, ken a wel n' ouzon dare pet mil steredenn ha tregont. — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 85.)
- « N' ouzon dare petra 'c'hoari gant ar vuoc'h, n'he deus debret begad. » — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 219.)