ne dalv ket ar boan
Brezhoneg
Etimologiezh
- Eus talvout ar boan.
Furm verb
ne dalv ket ar boan
- Ne servij da netra (ober tra pe dra)
- — O ! Ne dalv ket ar boan, ma friñs, rak ne youlo ket dont. — (Fañch an Uhel, Kontadennoù ar Bobl/1, Al Liamm, 1984, p. 249.)
- Da glask al leor-ze eo ez oan eat, n'eo ket da glask ho merc'h, na dalv ket ar boan e chomfen mui ganti. — (G. MILIN, Gwechall-goz e oa..., Kemper, 1924, p. 82.)
- « Ur gwall zevezh am eus bet, emezañ, faezh on gant ar gozhni hag al labour, ha neuze... ha neuze ne dalv]] ken ar boan ». — (Jarl Priel, Va Zammig Buhez, Al Liamm, 1954, p. 44.)
- « Ne dalv ken ar boan », emezañ ; « aet eo kuit. Nemet brav eo, me 'lavar, ha c'hwi un den dimezet war ar marc'had ! » — (Roparz Hemon, Mari Vorgan, Al Liamm, eil emb. 1975, p. 35.)
- — E leal, eme Venedisite, ne dalv ket ar boan, Aotrou Leon, na ne oufen ket petra da c'houlenn ouzhoc'h ; [...]. — (Gab Milin, Marvailhoù Bro-Leon, Hor Yezh, 1999, p. 120.)
- ne dalv ket ar boan da ub:
- Ouc'hpenn an an dra-ze c'hoaz, ne dal ket ar boan d'eomp devi poultr ar Republik var gos-tammou traou evel heman. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 160.)
- Ne dalv ket ar boan d'eoc'h en em skuiza ken rak ne deuoc'h ket a-benn eus a netra gant ho ravoderez. — (Yann-Vari Perrot, An Aotrou Kerlaban Pez farsus e 3 Arvest, Brest, 1922, p. 34.)
- ' O vezañ ma 'z eo aet kuit danvez he den, ne dalv ket ar boan dezhi leñvañ, gwelloc'h e vefe dezhi kanañ ha skrignal. — (Jarl Priel, Gwener ar Groaz, Al Liamm niv. 25, Meurzh - Ebrel 1951, p. 76.)