petore

Brezhoneg

Etimologiezh

Diwar ar ger goulenn pe hag an anv-kadarn doare.

Anv-gwan goulennata

petore /peˈtoːre/

1. Ger-goulenn a-zivout perzh, hevelebiezh unan bennak/un dra bennak; peseurt
   • Piou eo, a zonj ganit ? Eus petore bro ? — (Erwan ar Moal, An “Hini Goz” o vont da denna he foltred, Editions FEIZ HA BREIZ, 1913, p. 17.)
   • Mantret e choman ! Biskoaz maouez ne 'm eus gwelet par da hounnez !... Daoust hag e petore yez e komz ? — (Erwan ar Moal, An “Hini Goz” o vont da denna he foltred, Editions FEIZ HA BREIZ, 1913, p. 18.)
   • Ma ! neuze ec'h anavezet ur vorgazhenn, neuze oc'h evit kompren e petore digouezh euzhus e oa martoloded ar Gwennili. — (Fañch al Lae, Bilzig, Kemper, 1925, p. 112.)
   • [...], a ouie seniñ n'eus forzh petore benveg ijinet er bed-mañ. — (Jarl Priel, Va Zammig Buhez, Al Liamm, 1954, p. 37.)
   • Eus petore mammenn an diaoul e tiruilhje d'am bete ar seurt morad arc'hant ? — (Jarl Priel, Va Buhez e Rusia, Al Liamm, 1955, p. 4.)
   • Hag ouzh petore kastiz digant ar c'habiten o deveze da ziwall diwar-se ?... — (Jarl Priel, Amañ hag Ahont, Al Liamm, 1957, p. 33.)
   • Petore c'hwez a zo gand ar hig-mañ ? — (Jules Gros, Le trésor du breton parlé Deuxième Partie, 1970, p. 81.)
   • Petore lehed e-neus an danvez-mañ ? — (Jules Gros, Le trésor du breton parlé Deuxième Partie, 1970, p. 312.)
   • Sell petore liou a zo war an oabl bremañ ! — (Jules Gros, Le trésor du breton parlé Deuxième Partie, 1970, p. 318.)
   • Gweled a rez e petore stumm emañ aze, en tort diou pe deir gwech. — (Jules Gros, Le trésor du breton parlé Deuxième Partie, 1970, p. 526.)
   • E petore parrez, pa drohan da gaoz dit, emañ Trezelan ? — (Jules Gros, Le trésor du breton parlé Deuxième Partie, 1970, p. 548.)
   • Setu penaos, ha da heul petore gwallzarvoud, e tistroas Uter Penndragon da Dintagell. — (Langleiz, Romant ar Roue Arzhur/levrenn I : Marzhin, Al Liamm, 1975, p. 44.)
   • — Petore ment eo ? a atersas ar beleg. — (Edouarzh Ollivro, troet gant Jakez Konan, Pikoù Mab e Dad, Mouladurioù Hor Yezh, 1983, p. 12.)
   • Ar moged o sevel d'an terest a roe da c'houzout d'ar skolidi, gwell eget ne vern petore prezegenn, [...]. — (Edouarzh Ollivro, troet gant Jakez Konan, Pikoù Mab e Dad, Mouladurioù Hor Yezh, 1983, p. 36.)
   • Pirc'hirinaj ! Petore parrez n'he deus ket hec'h hini ? — (Erwan Berthou, En bro Dreger a-dreuz parkoù, Mouladurioù Hor Yezh, 1985, p. 16.)
   • Da betore oad e oan kroget da sevel va fri trema al loar, ar stered, ar c'houmoul, ar ganevedenn ? — (Anjela Duval, Me, Anjela, Mouladurioù Hor Yezh, 2011, p. 17.)
   • — O vont da..., a grogas Harry da zisplegañ, hep gouzout dare petore bidennoù e oa o vont da gontañ. — (J.K. Rowling, lakaet e brezhoneg gant Mark Kerrain, Harry Potter ha Maen ar Furien, An Amzer embanner, 2012, p. 277.)
   • Gwelet a rez e petore stumm emañ aze? — (Jules Gros, Le trésor du breton parlé Troisième Partie, 1974, p. 174.)

Gerioù heñvelster

• peseurt

Troidigezhioù

• galleg : quel ^(fr) , quelle sorte ^(fr) (de)