rak-se

Brezhoneg

Etimologiezh

Savet gant an araogenn rak hag ar raganv se.

Stagell isurzhiañ

rak-se /rakˈseː/

1. Troienn a verk an abeg:
   • Gant tud ar ru am eus clewet :
     Rac-se kit 'n ho bro, pa garfet. — (Fañch an Uhel, Soniou Breiz-Izel 1, Pariz, 1890, 1971, p. 324.)
   • — « [...]. Rak se eta na lezit ket anezhi da gaout diouer nag ezhomm a netra ebet ; [...]. » — (Troude ha Milin, Labous ar Wirionez ha Marvailhoù all, Skridoù Breizh, 1950, p. 14.)
   • — « [...] ; rak se 'ta gra bremañ da bak, kentañ ma c'helli ; [...]. » — (Troude ha Milin, Labous ar Wirionez ha Marvailhoù all, Skridoù Breizh, 1950, p. 64.)
   • — « [...]. Rak se, arabat eo deoc'h en em ziskouez da zen, nemet din-me, nag ober an disterañ trouz. [...]. » — (Troude ha Milin, Labous ar Wirionez ha Marvailhoù all, Skridoù Breizh, 1950, p. 80.)
   • Gouzout a raent n'o doa na feiz na reizh, na Doue na mestr, hag e oant, rak-se goest a bep seurt falloni. — (Klaoda ar Prad, Marvailhou ar Vretoned e-tal an tan, Sant-Brieg, 1907, p. 66.)
   • Rak-se, pa refet ur baeamant, goulennet paper... — (BUAS 1912, p. 339.)
   • Jilig. — [...]. Rak-se, hon eus kavet unan hag a vo kaset da baka morilhoned ganeomp, ne vo ket pell. — (Yann-Vari Perrot, An Aotrou Kerlaban Pez farsus e 3 Arvest, Brest, 1922, p. 6.)
   • Rak-se, marc'h Marc'h, roue Poulmarc'h, a voe e hano Morvarc'h. — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 39.)
   • Rak-se ez eo gwelloc'h deoc'h chom peoc'h! — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 73.)
   • Rak-se, Laou ne varc'hata tamm da rei e c'havr evit eun danvadez ... — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 58.)
   • Rak-se on deuet da vreviñ da c'houzoug ouzhit! — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 138.)
   • Rak-se e roas raktal an alc'hwez. — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 199.)
   • Ne ouie Chañ-Mariou ar C'hogant na skrivañ, na lenn, na sinañ he anv, ha rak-se e wele pegen diaes eo d'un den bezañ hep deskadurezh. — (Yeun ar Gow, E Skeud Tour Bras Sant Jermen, eil emb. Al Liamm, 1978, p. 20.)
2. A ra dave d'un dra zo bet meneget a-raok:
   • Kasoni en devoa rak-se ouzh e vreur... — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 47.).

Gerioù heñvelster

• abalamour da se
• a-se
• gant-se
• neuze
• setu perak
• se zo kaoz

Troidigezhioù

• galleg : c'est pourquoi ^(fr) , en conséquence ^(fr) , par conséquent ^(fr)
• saozneg : that's why ^(en) , therefore ^(en) , consequently ^(fr)
• spagnoleg : por eso ^(es)