tañva

Brezhoneg

Etimologiezh

Eus ar ger krennvrezhonek taffha^[1], kar d'ar ger tava (« tañva ») e kerneveureg, eus ur bennrann geltiek *tam ha *tab-, peuzdigenvez, hag a gaver ivez e-barzh « teod »^[2].

Verb

tañva /ˈtãːva/ verb kreñv eeun (anv-gwan-verb : tañvaet) (displegadur)

Merzout a-ratozh blaz un dra bennak war-bouez an teod.
- <Skouer>.
(Dre astenn-ster) Debriñ.
- Pa zavo flear gantañ e teuio al louarn d'e dañva. — (Tad Medar, An Tri Aotrou, 1981, p. 112.)
(skeudennek) Anavezout "blaz" un dra bennak gant skiantoù all estreget an tañva.
- Va c'hoant oa komz dreist-oll euz buhez ha gwirionez e daolennou, euz e vrezoneg yah ha pinvidig, leun a heriou saouruz, ganto blaz o horn-bro, hag a garfer lezer da deuzi war an teod evid o zañva pelloh. — (Tad Medar, An Tri Aotrou, 1981, p. 4 ar rakskrid gant F. Falc'hun.)
(skeudennek) Bevañ un dra bennak nevez.
- Setu an daou bried yaouank en o zi nevez, eüruz o tañva o harantez. — (Tad Medar, An Tri Aotrou, 1981, p. 73.)
- Un doare da beurzeskiñ ur yezh all, da dañva ur sevenadur all... — (Erasmus, tañva ar vuhez e lec'h all..., Sillage, niv. 148, Here-Du 2011, p. 25.)
tañva meur a soubenn : kaout meur a soubenn, gwelout meur a varr-avel, tremen dre ar pikoù

Deveradoù

Gerioù kevrennek

Troioù-lavar

tañva blaz ar geuneudenn : kaout bazhadoù

Troidigezhioù

alamaneg : schmecken ^(de)
esperanteg : gustumi ^(eo)
finneg : maistaa ^(fi)
galleg : gouter ^(fr)
italianeg : assaggiare ^(it)

nederlandeg : smaken ^(nl)
okitaneg : tastar ^(oc)
saozneg : taste ^(en)
spagnoleg : probar ^(es) , degustar ^(es)
uhelsorabeg : słodźeć ^(hsb)

Furm verb

tañva /ˈtãː.va/

Furm ar verb tañva e trede gour unan an amzer-vremañ, en doare-disklêriañ.
Furm ar verb tañva en eil gour unan an doare-gourc'hemenn.

Daveoù

Roll an daveoù :

^[1] : Ar c'hCatholicon
^[2] : Lexique Étymologique des termes les plus usuels du Breton Moderne, p. 260.

Anv-kadarn

tañva

reiñ un tañva eus un dra bennak
- « [...] ; met an dud a zo ker laosk o c'halon bremañ, ma 'z eo ret rei eun tañva d'ezo eus ar pez a vezo d'ezo, [...]. [...] ? » — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 13.)
- [...] gwelloc'h e vije bet dit koulskoude rei an tañva din — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 183.)
kaout an tañva