teod

Brezhoneg

Un teod.

Etimologiezh

(1499) Teaut er C'hatolikon^[1]. Kar d'ar gerioù tavot ha tavas e kerveveureg, tafawd aet da tafod e kembraeg, dezho ar memes ster, hag a zeufe eus ur ger keltiek *tab-āto- a gaver e wrizienn er ger « tañva » c'hoazh.^[2]

Anv-kadarn

teod /ˈtɛwt/ gourel (liester teodoù)

1. (Korfadurezh) Organ kigennek gwevn e-barzh ar genoù hag a dalvez da fiñval ar boued ennañ ha d'e dañva. Ouzhpenn da se e talvez ivez da zistagañ sonioù 'zo.
   • Kourailhoù laou ha teodoù c'hwenn. — (Fañch an Uhel, Soniou Breiz-Izel 2, Pariz, 1891, 1971, p. 2.)
   • Ha peurliesa, elec'h digeri e c'henou, e vefe gwelloc'h d'ezan, ober eur skoulm pe zaou war beg e deod ; [...]. — (Ivon Krog, Klenved ar Medalennou, Ti-moulerez Sant-Gwilherm, Sant-Brieg, 1909, p. 19.)
   • Ar roue a voe laouen o klevet heman o prezeg : eud teod distaget 'oa. — (G. MILIN, Gwechall-goz e oa..., Kemper, 1924, p. 66.)
   • [...], va roue Morian en devoa livet en du n'eo ket hepken e zremm, e zaouarn hag e zivrec'h, met ivez...e deod. — (Jarl Priel, Va Zammig Buhez, Al Liamm, 1954, p. 25.)
2. bezañ stag e deod dre an daou benn: na vezañ distagellet

Gerioù heñvelster

• latenn
• lañchenn
• klankouer

Deveradoù

• besteod
• besteodiñ
• dideod
• dideodañ
• ezteodel
• teodad

• teodañ
• teodata
• teodataer
• teodataerez
• teodataerezed

• teodek
• teodeg
• teodegañ
• teodegezh
• teodeger
• teodel
• teodenn
• teodennerezh
• teodet
• teodiñ
• teodyezh
• teodyezhañ
• teodyezher

Gerioù kevrennek

• teod-bouc'h
• teod-bouc'h bras
• teod-ejen
• teod-ejen-bras
• teod-evn
• teod-karv
• teod-ki
• teod forc'hek
• teod-kazh
• teod-naer

Troioù-lavar

• bezañ berr e deod da gaozeal
• bezañ bresk e deod
• bezañ distagellet-mat e deod : techet da gomz kalz, kalz re zoken.
• bezañ hir e deod
• bezañ lampr e deod
• derc'hel war e deod
• kaout un teod milliget
• na vezañ evit e deod
• Na vezañ roet e deod da unan bennak da lipat ar mogerioù.
• ober ur skoulm war deod unan bennak
• tennañ e deod war unan bennak
• Un teod binimus pe un teod milliget a vez lavaret ivez eus un teod fall, pe ur gwall deod, eus ar re washañ.
  • An teodadoù a zo taolioù teod graet gant un teod binimus.
• Un teod toull zo un den hag a ya da gontañ kement tra a oar, rak n'eo ket evit e deod.

Krennlavaroù

• A-raok komz grit nav zro
  Gant ho teod en ho kenoù !
• Ar gwall deodoù
  Zo gwashoc'h evit an Ankoù
  Ar gwall deodoù a lak lazhañ
  Hag an Ankoù ne ra ken met kas gantañ.
• Berroc'h e vez an teod pa vezer war al lec'h.
• Neb a zo lemm e deod A dle bezañ kalet e skouarn.
• Teod ar c'hi zo medisin Teod ar c'hazh zo ampoezon
• Teod ar c'hi zo medisinour
  Teod ar c'hazh zo treitour.
• Teod hir, dorn berr.

Troidigezhioù

• afrikaans : taal ^(af)
• alamaneg : Zunge ^(de)
• arabeg : لسان ^(ar)
• aragoneg : luenga ^(an)
• asturianeg : llingua ^(ast)
• aymara : lajhra ^(ay) , aru ^(ay)
• bemba : ululimi ^(*)
• daneg : tunge ^(da)
• esperanteg : lango ^(eo)
• estoneg : keel ^(et)
• euskareg : mihi ^(eu) mingain ^(eu)
• faeroeg : tunga ^(fo)
• finneg : kieli ^(fi)
• frizeg : tonge ^(fy)
• galizeg : lingua ^(gl)
• galleg : langue ^(fr)
• gresianeg : γλώσσα ^(el) (glóssa)
• haitieg : lang ^(*)
• hungareg : nyelv ^(hu)

• ido : lango ^(io)
• indonezeg : lidah ^(id)
• islandeg : tunga ^(is)
• italianeg : lingua ^(it)
• japaneg : 舌 ^(ja) (shita)
• kembraeg : tafod ^(cy)
• kerneveureg : tavas ^(kw)
• korseg : lingua ^(co)
• kurdeg : ziman ^(ku)
• lingala : lolému ^(ln)
• nahuatl : nenepilli ^(nah)
• nederlandeg : tong ^(nl)
• norvegeg : tunge ^(no)
• okitaneg : lenga ^(oc)
• ourdou : زبان ^(ur)
• perseg : زبان ^(fa) (zabân)
• poloneg : język ^(pl)
• portugaleg : língua ^(pt)

• quechua : qallu ^(qu)
• roumaneg : limba ^(ro)
• rusianeg : язык ^(ru) (iazyk)
• sámi an Norzh : njuovčča ^(*)
• sañskriteg : जिह्वा ^(sa) (jihvā)
• saozneg : tongue ^(en)
• skoseg : teanga ^(gd)
• somali : carab ^(so)
• spagnoleg : lengua ^(es)
• swazi : lú-lwîmi ^(ss)
• tagalog : dilà ^(tl)
• tatar : tel ^(tt)
• tchekeg : jazyk ^(cs)
• tok pisin : tang ^(tpi)
• tsolyáni : lussánikh ^(*)
• turkeg : dil ^(tr)
• vepse : kelʼ ^(*)
• waloneg : lingaedje ^(wa)
• wolof : làmmiñ wi ^(wo)

Gwelet ivez

• Ar pennad « teod » e-barzh Wikipedia

Daveoù

Roll an daveoù :

• ^[1] : Ar c'hCatholicon
• ^[2] : Lexique Étymologique des termes les plus usuels du Breton Moderne, p. 263.