aozañ

Brezhoneg

Etimologiezh

Savet diwar an anv-kadarn aoz hag al lostger -añ.

Verb

aozañ /ˈɔːzã/ verb kreñv eeun (anv-gwan-verb : aozet) (displegadur)

1. Prientiñ, kempenn:
   • [...], a yeas atao a-raok hep gortoz ma vije aozet ha kempennet al lestr. — (G. MILIN, Gwechall-goz e oa..., Kemper, 1924, p. 14.)
   • En ur ger, aozet e oa an holl draoù gant mil evezh. — (Jarl Priel, Va Zammig Buhez, Al Liamm, 1954, p. 25.)
   • [...] pe d'aozañ skoilhoù a bep seurt gant orjal dreinek ; [...]. — (Jarl Priel, Amañ hag Ahont, Al Liamm, 1957, p. 24.)
2. Aozañ boued, ur pred : fardañ boued
   • — [...]. « Savit d'an nec'h, azezit e-kichen an tan da c'hedal ma vo aozet deoc'h un tamm boued [...] ? » — (Lan Inizan, Emgann Kergidu 1, Brest, 1877, eil emb. Al Liamm 1977, p. 40.)
   • — [...] : keuneud fall pe vat a zo red da aoza ar boued. — (G. MILIN, Gwechall-goz e oa..., Kemper, 1924, p. 90.)
   • [...], rak gout'ouie koulz ha den ar stek d'aozañ boued. — (Jarl Priel, Va Zammig Buhez, Al Liamm, 1954, p. 11.)
   • Aoza yod. — (Jules Gros, Le trésor du breton parlé Deuxième Partie, 1970, p. 559.)
   • Sac'hadoù bezhin sec'h d'ober boued. Ha merket warno an doare d'o foazhañ ha d'o aozañ... — (Goulc'han Kervella, Brezel ar Rigadell, Al Liamm, 1994, p. 38.)
   • — [...]. Ma mamm n'he devez ket kalz amzer d'aozañ boued gant pemp bugel er gêr, 'vel 'ouzout. — (J.K. Rowling, lakaet e brezhoneg gant Mark Kerrain, Harry Potter ha Maen ar Furien, An Amzer embanner, 2012, p. 109.)
3. Aozañ ur pred : fardañ ur pred:
   • P'en em gavaz ar zoudarded enn ti, Jannet ar Go a ioa oc'h aoza mern. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 70.)
   • — Hola ! Gwreg, mat a'teus graet oc'h aozañ din ur goan vat, [...] ! — (Fañch an Uhel, Kontadennoù ar Bobl/3, Al Liamm, 1988, p. 194.)#* Hi eo a aoze ar predoù hag a vouetae al loened, [...]. — (Yeun ar Gow, E Skeud Tour Bras Sant Jermen, eil emb. Al Liamm, 1978, p. 20.)

Gerioù heñvelster

• fardañ
• fichañ
• terkañ

Gerioù enepster

• diaozañ

Deveradoù

• aozadenn
• aozadur
• aozadus
• aozer
• aozerezh
• aozidigezh

Gerioù kevrennek

• adaozañ
• aozer-hentoù
• diaozañ
• gwallaozañ
• kenaozañ
• peuraozañ

Troioù-lavar

• aozañ un dra bennak dreist-penn-biz

Troidigezhioù

• galleg : accomoder ^(fr)
• galleg : arranger ^(fr)
• galleg : façonner ^(fr) , former ^(fr)
• galleg : organiser ^(fr)
• galleg : préparer ^(fr)
• galleg : remettre ^(fr) (membre)
• galleg : réparer ^(fr)