blevek

Brezhoneg

Etimologiezh

Savet diwar an anv-kadarn blev hag al lostger -ek

Meneget er C'hatolikon (bleuec).

Da geñveriañ gant ar anvioù-gwan blewog en kembraeg ha blewek en kerneveureg.

Anavezet evel anv-tiegezh : (Le) Blevec.

Anv-gwan

Derez	Furm
Derez-plaen	blevek
Derez-uheloc'h	blevekoc'h
Derez-uhelañ	blevekañ
Derez-estlammiñ	blevekat

blevek /ˈblɛːvek/

1. Stank pe hir ar blev war e glopenn (diwar-benn an dud)
   • Penn blevek Hagrid a voe gwelet dre an nor damzigor. — (J.K. Rowling, lakaet e brezhoneg gant Mark Kerrain, Harry Potter ha Maen ar Furien, An Amzer embanner, 2012, p. 147.)
2. Stank ar blev war groc'hen e gorf pe e izili (diwar-benn an dud)
3. heverk dre stumm e vlev (diwar-benn al loened)
   • Troc'homp krenn, troc'homp holl Ul lost blevek gouest d'hor c'holl. Al Louarn besk, Paotr Treoure
   • Hag ar paotr da sevel golo ar voest a oa etre e zivvrec'h, hag an dud en-dro dezhañ da yudal o welout ur pav hir blevek o tiflukañ er-maez anezhi. — (J.K. Rowling, lakaet e brezhoneg gant Mark Kerrain, Harry Potter ha Maen ar Furien, An Amzer embanner, 2012, p. 101.)
4. (Dre hevelebiezh) Barvek (diwar-benn ar plant)

Deveradoù

• blevegezh

Troidigezhioù

• galleg : chevelu ^(fr) , poilu ^(fr)  ; velu ^(fr)
• kembraeg : blewog ^(cy)

• kerneveureg : blewek ^(kw)
• saozneg : hairy ^(en)

Gwelet ivez

• bleveg
• Bleveg