daoust ha

Brezhoneg

Etimologiezh

Savet diwar an araogenn daoust hag ha.

Troienn adverb

daoust ha /Distagadur ?/

1. Troienn adverbel implijet dirak ur ger goulennata (daoust hag dirak ur vogalenn).
   • — « Daoust ha perak ne rafe ket ? » eme ar Marvailher. « [...]. » — (Troude ha Milin, Labous ar Wirionez ha Marvailhoù all, Skridoù Breizh, 1950, p. 8.)
2. Troienn adverbel dirak ur rener.
   • Daoust ha c'houi ho pefe ar c'hoantegez da skourjeza neb a zavo eur zon bennak, pe a lakaio en pinijenn an hini a gavo eun ton neve ?... — (Fañch al Lae, Bilzig, Kemper, 1925, p. 163.)
   • « Cheñch hent ? Daoust ha va oberou a sell ouzit ? [...] ! » — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 16.)
   • ― Daoust ha tud eo ar vandenn loened gouez a zo degouezhet er mintin-mañ e Konk, [...] ? — (Lan Inizan, Emgann Kergidu 1, Brest, 1877, eil emb. Al Liamm 1977, p. 147.)
3. Dirak ur renadenn eeun.
   • Daoust ha c'hoant en deuz da zont var he giz d'ar gear araok peur-achui he drubarderez? — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 168.)
4. Dirak un anv-verb.
   • — « Mes... mes... daoust ha gouzout a rit derc'hel zoken ur roeñv en dour ?... » — (Jakez Riou, An Ti Satanazet, Skridoù Breizh, 1944, p. 101.)
   • Daoust ha gout' ouie zoken petra 'c'hoarie ganti, pe c'hwistim hag akuit awalc'h e oa war e vicher ? — (Jarl Priel, Va Zammig Buhez, Al Liamm, 1954, p. 39.)
   • « Nac'h eus lavaret netra ! Daoust ha tamall da vreur a faot d' it bremañ ? Dal ! » — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 48.)
5. Dirak un anv-gwan-verb.
   • — Daoust ha klevet e ven bet ? eme-ve. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 125.)
   • « Daoust ha didud tre eo an enezenn ? » emezañ. — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 123.)
6. Dirak ur verb er stumm-nac'h
   • « Petra ? » emezo, « daoust ha ne lavares ket, araok, e vijes eskob ? » — (Lan ar Bunel, Laouig ar Penker eun danvez beleg, Moulerez straed ar C'hastell, Brest, 1929, p. 20.)
   • — Barrikennou didalet, gwin a oa enne ! eme ar pôtr koz. Daoust ha ne gavfomp-ni ket unan, unanik hepken en he fez ?... — (Fañch al Lae, Bilzig, Kemper, 1925, p. 69.)
   • Daoust ha n'en em glemmomp ket, war digare m'en em gavomp sammetoc'h evit hon nesan ? — (Yann-Vari Perrot, Erwan ar Moal, Bue ar Zent, Montroulez, 1912, p. 330.)
   • Daoust ha ne c'hell ken bale ?... — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 16.)
7. Dirak un adverb:
   • Daoust ha biskoaz oc’h euz guelet an hano-ze e Buez ar Zent? Daoust ha biskoaz an Aoutrou Persoun en deuz komzet d’eomp euz a zant Brutus enn he zermoniou? — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 55.)