en e geñver
Brezhoneg
Etimologiezh
- Savet diwar an araogenn en, an anv-gwan perc'hennañ e hag an anv-kadarn keñver
Furm araogenn
| Gour | Furm |
| U1 | em c'heñver |
| U2 | ez keñver |
| U3g | en e geñver |
| U3b | en he c'heñver |
| L1 | en hor c'heñver |
| L2 | en ho keñver |
| L3 | en o c'heñver |
| D | er c'heñver |
en e geñver /ẽneˈɡẽːvɛr/
- Furm an araogenn e-keñver, displeget en trede gour unan gourel
- An neb zo didruez en keñver ar re all arabad dezhañ bezañ en gortoz e vefe Doue trugarezus en e geñver. — (BUAS, p. 640.)
- — [...] ; komer a rin ur c'hrennard o klask e voued, hep kar na par, eveldon, evit ober un aluzon en e geñver. — (Fañch an Uhel, Kontadennoù ar Bobl/3, Al Liamm, 1988, p. 175.)
- Pa dremenas Gaovan, an holl an yeas war benn o glin dirazañ, da ziskouez doujañs en e geñver. — (Roparz Hemon, Gaovan hag an Den Gwer, 1949 kentañ emb. Embannadurioù Douar ar Yaouankiz (Al Liamm), eil emb. Levrioù Skol al Louarn (An Here), 1988, p. 34.)
- [...] « Sell ouzh hennezh, va faotr, ha sell ervat, rak e gopr e vi gantañ kent na vo pell, ha touiñ a ri war le da vezañ leal da viken en e geñver ». — (Jarl Priel, Va Zammig Buhez, Al Liamm, 1954, p. 161.)
- Neuze e kave dezhañ ne oa ket leal Maria en e geñver oc'h astenn he buhez evel-se, hag en deze kas diouti. — (Fañch Peru, Kañfarded Milin ar Wern, Skol Vreizh, 2008, p. 10.)
Troidigezhioù
- galleg : à son égard (fr) , envers lui (fr)
- galleg : en face de lui (fr)